बाजुराकाे बुढीगंगामा फाइवर इन्टरनेट तोडफोड

बाजुरा: बाजुरामा अज्ञात समुहद्वारा फाइवर इन्टरनेटको टावर तोडफोड गरिएको छ।बुढीगंगा नगरपालिकामा रहेको नेपाल टेलिकमको फाइवर इन्टरनेटको टावर आइतबार राति अज्ञात समुहले ताेडफाेड गरेका हुन्।

नगरपालिकाकाे–६ बाम्का नजिकै ६ वडा र पालिकाका लागि बनाइएको फाइवर इन्टरनेटको टावर तोडफोड भएको
नेपाल टेलिकम बाजुराका प्रमुख इश्वर सिंहले बताए ।

अज्ञात समुहले फाइवर इन्टर नेट जडान भएको ठाउँमा तार चुटाएको र जडान ठाउँमा निकालेर तोडफोड गरिएको जानकारी दिए।टावर तोडफोड गरेपछि सेवा अवरुद्ध भएको उनकाे भनाई छ।

तोडफोड गर्ने व्यक्तिको खोजी गरी कानुनी कार्वाहीका लागि टेलिकम बाजुरा शाखा प्रमुख सिंहले जिल्ला प्रशासन कार्यालय बाजुरामा उजुरी समेत दिईएकाे छ।फाइवर इन्टरनेटको टावर तोडफोड गर्ने व्यक्तिको खोजी गर्न जिल्ला प्रहरी कार्यालय बाजुरालाई निर्देशन गरिएको निमित्त प्रमुख जिल्ला अधिकारी लक्ष्मण पुडासैनीले बताएका छन्।

बुढिगंगा नगरपालिका झनै प्रभावित नेटवर्क समस्याका विच अज्ञात समूहले टावर ताेडफाेड गर्दा झनै समस्या थपिएको टेलिकम बाजुराले जनाएको छ। बाजुरामा पछिल्लो समय यस्ता घटना बढ्दै गएकाे पाईएकाे छ।