बाजुरामा खाेलामा डुबेर बेपत्ता बालक मृत फेला

बाजुरा: बाजुरामा खाेलामा डुबेर बेपत्ता भएका बालक मृत अवस्थामा फेला परेका छन्।

बाजुराकाे हिमाली गाउँपालिका–१ मैतार्ना स्थित कुवाडी खोलामा नुहाउने क्रममा खाेलाले बगाई बेपत्ता चंखलाल थापाका १४ वर्षीय छाेरा नबराज थापा मृत फेला परेका हुन्।

आइतबार दिउँसो करिब ३ बजेतिर थापा साथीहरूसँग खोलामा नुहाउन गएका बेला बालक थापा बगेर बेपत्ता भएका थिए।खोलाले बगाउँदा बेपत्ता भएका बालककाे प्रहरी र स्थानीयले खाेजतलास गर्दा मृत फेला परेका हुन्।

बालक बगाएकाे ठाउँबाट करिब चार सय मिटर तल फेला परेकाे जिल्ला प्रहरी कार्यालय बाजुराका प्रहरी निरिक्षक एंव् सूचना अधिकारी नरेश बहादुर शाहीले बताए।उनका
अनुसार,घटनापछि जिल्ला प्रहरी कार्यालय बाजुराबाट प्रहरी निरीक्षकको नेतृत्वमा टोली घटनास्थलतर्फ खटिएको जानकारी दिए।

मृतक बालक थापासँगै बिराज थापा, विशाल थापा र किस्मत थापा समेत खोलामा नुहाउन गएका थिए।घटनाबारे आवश्यक थप अनुसन्धान भइरहेको प्रहरीले जनाएको छ ।