‘नेपाल आइडल सिजन–६’को उपाधी गंगा सोनामलाई

बाजुरा: नेपालकै चर्चित गायन रियालिटी शो ‘नेपाल आइडल’ सिजन ६ काे उपाधी सिन्धुपाल्चोककी गंगा सोनाम विजेकी छन्।आइतबार राती सम्पन्न ग्राण्ड फिनालेमा अन्य चार प्रतिस्पर्धीलाई पछि पार्दै उनले उपाधि जितेकी हुन्।

विजेता बनेकी सोनामले उपाधिसँगै नगद २५ लाख रुपैयाँ पुरस्कार प्राप्त गरेकी छन्। त्यस्तै फस्ट रनरअप भएकी बबिता थापा मगरले १० लाख रुपैयाँ, सेकेन्ड रनरअप दर्शना गान्धारीले ५ लाख रुपैयाँ सहित उपाधी जितेकी हुन्।

त्यस्तै, अभिनय खाती र मृनल मानन्धरले चौथो तथा पाँचौं स्थान हासिल गर्दै दुवैले १–१ लाख रुपैयाँ प्राप्त गरेका छन्।फिनालेमा गंगा सोनाम, बबिता थापामगर, दर्शना गान्धारी, अभिनय खाती र मृनल मानन्धरबीच प्रतिस्पर्धा भएको थियो। उत्कृष्ट प्रस्तुति र दर्शकको भोटका आधारमा सिन्धुपाल्चोककी गंगा सोनामले उपाधी जितेकी हुन्।

न्ह्यू बज्राचार्य, कालीप्रसाद बाँस्कोटा र इन्दिरा जोशी निर्णायकका रूपमा थिए भने आसिफ शाहले होस्ट गरेका थिए ।यसअघि नेपाल आइडल सिजन १ देखि ५ सम्मकाे उपाधि क्रमश: बुद्ध लामा, रवी ओड, सज्जा चौलागाईं, भूपेन्द्र थापा मगर र करण परियारले जितेका थिए ।