बाजुरामा भिरबाट खसेकाे ढुंगा लागेर एक महिलाकाे मृत्यु

बाजुरा: बाजुरामा भिरबाट खसेकाे ढुंगा लागेर एक महिलाकाे मृत्यु भएको छ। बुढीगंगा नगरपालिका वडा नम्बर ३ ताप्राकी ३७ वर्षीया कल्पना देवी थापाको भिरबाट खसेकाे ढुंगा लागेर मृत्युु भएको हाे।

मृतक थापा बुढीगंगा नगरपालिका वडा नं. ३ की महिला वडा सदस्य समेत रहेकाे जिल्ला प्रहरी कार्यालय बाजुराले जनाएकाे छ।३७ बर्षीया थापा फालासैन बजारबाट घर फर्किने क्रममा भिर माथीबाट आएकाे ढुंगा लागेकाे थियाे।

पैदल बाटाेबाट ५० मिटर तल खसेर उनकाे घटनास्थलमै मृत्यु भएको जिल्ला प्रहरी कार्यालय बाजुराका प्रहरी निरिक्षक एंव् सूचना अधिकारी नरेश बहादुर शाहीले जानकारी दिए।
उनका अनुसार,घटनाबारे स्थानीयले टेलिफोन मार्फत जिल्ला प्रहरी कार्यालय बाजुरालाई जानकारी गराएपछि प्रहरी चौकी बार्जुगाडबाट प्रहरीकाे घटनास्थल पुगेकाे बताए ।

जिल्ला प्रहरी कार्यालय बाजुराबाट पनि प्रहरी निरीक्षकको नेतृत्वमा थप टोली घटनास्थल तर्फ गएकाे र घटनाबारे थप अनुसन्धान भइरहेको  प्रहरीले जनाएको छ।