राष्ट्रपति पौडेलले गरे भु-स्वर्ग बडीमालिकाको दर्शन

बाजुराः सम्माननिय राष्ट्रपति रामचन्द्र पौडेलले बाजुराको धार्मिक तथा प्रसिद्ध पर्यटकिय स्थल बडीमालिकाको दर्शन एवम् पूजा अर्चना गरेका छन् । राष्ट्रपति पौडेलले बिहीबार बिहान बडीमालिकाको पूजाअर्चना गरी टीका प्रसाद ग्रहण गरेका हुन् ।करिब ४२०० मिटरको उचाईमा रहेको बाजुराको धार्मिक तथा पर्यटकिय स्थल बडीमालिकाको पौडेलले दर्शन संगै बडीमालिका माताको पुजा अर्चना र टिका ग्रहण गरेका हुन् ।

बाजुराको प्रसिद्ध धार्मिकस्थल एवम् शक्ति पीठ बडीमालिका मन्दिरमा पूजा एवम् दर्शनको लागि बिभिन्न देशबाट भक्तजन आउने गर्दछन् । राष्ट्रपति पौडेल बडीमालिकाको दर्शन र त्रिबेणी नगरपालिकाको निम्तोमा नाटेश्वरी मन्दिरको उद्धघाटन गर्न आज बिहान नेपालश्र सेनाको हेलिकप्टर मार्फत बाजुरा आउनु भएको थियो । राष्ट्रपति पौडेलले त्रिवेणी नगरपालिका वडा नम्बर ७ मा रहेको नवनिर्मित मन्दिरको उद्घाटन गर्ने भएका छन् ।