बाजुरामा निर्वाचन प्रहरीकाे विदाई (तस्वीरहरु)

बाजुरा: बाजुरामा निर्वाचन प्रहरीकाे विदाई गरिएको छ। प्रतिनिधि सभा सदस्य निर्वाचन सुरक्षामा खटिएका १ हजार ६० जना निर्वाचन प्रहरीकाे विदाई गरिएको हाे।

जिल्ला प्रहरी कार्यालय बाजुराकाे आयोजनामा निर्वाचन प्रहरीलाई तालिम प्रदान गरिएका विभिन्न ठाउँबाट एक कार्यक्रमका बिच बिदाइ गरिएको जिल्ला प्रहरी कार्यालय बाजुराले जनाएको छ।

४० दिन जिम्मेवारी पूर्वक निर्वाचनलाई सफल बनाउन खटिएका उनीहरुलाई प्रमाणपत्र र टिका प्रदान गर्दै सम्मान सहित बिदाइ गरिएकाे जिल्ला प्रहरी कार्यालय बाजुराका प्रमुख प्रहरी नायक उपरीक्षक ईकवाल हवारीले जानकारी दिए।

निर्वाचनलाई स्वच्छ,शान्तिपूर्ण र व्यवस्थित रूपमा सम्पन्न गराउन महत्त्वपूर्ण भुमिका निर्वाह गर्ने निर्वाचन प्रहरीलाई सम्मानजनक विदाई गरिएको उनकाे भनाई छ। साथै उनले जिम्मेवारी पूर्वक निर्वाचन सुरक्षा खटिएको प्रती आभार व्यक्त गर्दै आगामी दिनमा उज्ज्वल भविष्यकाे कामना समेत दिएका हुन्।

निर्वाचन प्रहरीकाे देश,समाज र नागरिक प्रति उत्तरदायित्व रहिरहने अपेक्षा समेत गरिएको छ।निर्वाचन सम्पन्न गराउन खटिएका निर्वाचन प्रहरीकाे जिम्मेवारी पूरा भएको पछि उनीहरुकाे विदाई गरिएको हाे।

बाजुरामा २१ गतेकाे निर्वाचनका लागि एक हजार ६० जना निर्वाचन प्रहरीहरु भर्ना गरिएका थिए ।भर्ना गरिएका उनिहरुलाई जिल्लाका ८ स्थानबाट तालिम दिइएकाे थियाे।
विदाई कार्यक्रममा प्रहरी प्रमुख,अन्य प्रहरी कर्मचारी,निर्वाचन प्रहरी लगायत सरोकारवालाको उपस्थिति रहेको थियो।

बाजुरामा याे निर्वाचन ऐतिहासिक र नमुना निर्वाचन समेत भएको थियाे। विगतका जस्ता निर्वाचन घटनालाई ताेड्दै बाजुरामा यसपटक स्वच्छ,निष्पक्ष र भयरहित वातावरणमा निर्वाचन सम्पन्न भएको थियाे।

तस्वीरहरु……