कैलालीमा विद्यालयको प्रवेश द्वार भत्किदा एक विद्यार्थीको मृत्यु

धनगढीः कैलालीमा एक विद्यालयको प्रवेश द्वार भत्किएर एक विद्यार्थीको मृत्यु भएको छ।जिल्लाको कैलारी गाउँपालिका–९ गदरियाको जनता माध्यमिक विद्यालयको मुख्य प्रवेश द्वारको पास भाँचिएर शरीरमा खसेपछि ८ वर्षीय विद्यार्थीको मृत्यु भएको हो।

जिल्ला प्रहरी कार्यालय, कैलालीका अनुसार नरेश रानाका ८ वर्षीय छोरा प्रवेश रानाको प्रवेश द्वार भत्किएर टाउकोमा चोट लाग्दा मृत्यु भएको छ। उनीसँग प्रवेश द्वार नजिकै खेल्दै गरेका मुकेश चौधरीका ८ वर्षीय छोरा समिर पनि भाइते भएका छन्। उनको धनगढीस्थित निर्सग अस्पतालमा उपचार हुँदैछ।कैलाली प्रहरीले घटनाका विषयमा थप अनुसन्धान जारी रहेको बताएको छ।