अरविन्द केजरीवालको घरमा तोडफोडको आरोपमा ८ पक्राउ

चैत्र,१७-  दिल्लीका मुख्यमन्त्री अरविन्द केजरीवालको घरमा तोडफोड गरेको आरोपमा बिहीबार दिल्ली प्रहरीले ८ जनालाई पक्राउ गरेको छ । समाचार एजेन्सी पिटिआईले स्रोतलाई उद्धृत गर्दै यो मामिलामा अन्य व्यक्तिको पनि गिरफ्तारी हुनसक्ने बताएको छ । प्रहरीले यसका लागि टिम पनि पठाएको छ ।

बुधबार भारतीय जनता युवा मोर्चाले कथित रुपमा मुख्यमन्त्री केजरीवालको निवासमा विरोध प्रदर्शन गर्दै तोडफोड भएको थियो । युवा मोर्चाका प्रमुख तथा सांसद तेजस्वी सुर्याले भनेका छन्, ‘द कश्मिर फाइल्स’ फिल्मको विषयमा अरविन्द केजरीवालको बयानका कारण विरोध प्रदर्शन गरियो ।’

प्रहरीले बुधबार यो मामिलामा अज्ञात व्यक्तिविरुद्ध मुद्दा दर्ता गरेको थियो ।

यो पनिः
‘भाजपा अरविन्द केजरीवालको हत्या गर्न चाहन्छ’

यो घटनापछि बिजेपी र आम आदमी पार्टीबीच बयानबाजी सुरु भयो ।

दिल्लीका उप–मुख्यमन्त्री मनिष सिसोदियाले बीजेपीमाथि मुख्यमन्त्री केजरीवाललाई हत्या गर्ने कोसिसस गरेको आरोप लगाए ।

उनले भने, ‘आज प्रहरीको उपस्थितिमा प्रहरीसँग भारतीय जनता पार्टीका गुण्डा मुख्यमन्त्री अरविन्द केजरीवाल जी को घरमा पुगे । उनको घरको सिसिटिभी क्यामरा फुटाइए । बूम ब्यारिएर तोडिए र सबैकुरा प्रहरीको उपस्थितिमा भयो । बिजेपीका गुन्डाले यो सब गरेका हुन् । अरविन्द केजरीवाललाई चुनावमा हराउन नसकेको भए बीजेपीले उनलाई सिद्धाउन चाहन्थ्यो ।’

यस्तै, तेजस्वी सूर्याले बुधबार भने, ‘केजरीवाललाई लाग्छ कि एक समुदाय विशेषलाई खुसी राख्नका लागि बारम्बार हिन्दुको आस्थामाथि ठेस पुर्याएर उनी बच्नेछन् । हिन्दुमाथि भएको अत्याचारलाई झुटो बताउने केजरीवालको बयानले यो स्पष्ट हुन्छ कि उनका लागि कश्मिरी पण्डितको दुर्दशा उपहारको विषय हो । केजरीवालले माफी माग्नुपर्छ ।’

यो समाचार आजको रातोपाटिमा छ ।