गौमुलको शान्ताीटोलमा भीरबाट लडेर १७ वर्षीया किशोरीको मृत्यु

बाजुरा : गौमुल गाउँपालिका–६ मा भिरबाट लडेर एक किशोरीको मृत्यु भएको छ । सोही वडास्थित शान्तीटोल गाउँकी कलु चदाँराकी १७ वर्षीया छोरी पुष्पा चदाँराको शुक्रबार बेलुकी करिब ७ बजेको समयमा भिरबाट लडेर मृत्यु भएको आफन्त कलक चदाँराले जानकारी दिएको छ ।

घरबाट पसल तिर गएकी चदाँरा फर्किने क्रममा रातीमाटो भीरबाट लडेर मृत्यु भएको आफन्त चदाँराले बताएका छन् । गाउँ नजिकैको मेलाबाट ५० मिटर तल खस्दा घटनास्थलमै मृत्यु भएको मृतक पुष्पाका दाजु शन्तोष चदाँराले बताएका छन् ।
बिज्ञापन

पसलबाट राती ८ बजेसम्म पनि घरमा नफर्किएपछि खोजी गर्दा लडेर मृत्यु भएको अवस्थामा फेला पारेको उनलका आफन्तले जानकारी दिएका छन् । उनी किर्तिचौर माध्यामिक विद्यालयमा कक्षा–९ मा अध्ययनरत थिइन् ।