त्रिबेणीमा काँग्रेसको जनलहर ४० परिवार काँग्रेसमा प्रवेश,

बाजुरा– स्थानीय तहको निर्वाचन नजिकिदै गर्दै गाउँमा प्रत्यक राजनितिक दलले घरदैलो अभियानलाई तिब्रता दिएको छ ।

काँग्रेस बाजुराले पनी जिल्लाका ९ वटै पालिकामा आफ्नो चुनावी अभियान सम्पन्न गरेको छ । बुधबार जिल्लाको बिवेणी नगरपालिकामा नेपाली काँग्रेस नगर कार्यसमितिको आयोजनामा संचालन भएको कार्यक्रममा नगरपालिकाका बिभिन्न वडाबाट नेकपा एमाले नेकपा माओबादी लगायतका पार्टी परित्याग गरी ४० बढी परिवार काँग्रेस प्रवेश गरेका छन् ।

देशमा नेपाली काँग्रेसको विकल्प अन्य राजनितिक दल नभएकाले आफुहरुले काँग्रेस रोजेको नव प्रवेशीहरुको भनाई रहेको थियो । काँग्रेस केन्द्रीय सदस्य अर्जुनजङ्ग बहादुर सिंहको प्रमुख आथित्यतामा संचालन भएको थियो । काँग्रेस बाजुराका सभापति रामसिंह रावल, पुर्व भुमि सुधार सहायक मन्त्री जनकराज गिरी, काँग्रेस बाजुराका निवर्तमान सभापति कविराज पण्डित, काँग्रेस बाजुराका उप–सभापति पदम बडुवाल, सचिव तिलकराज पुरी,काँग्रस बाजुराका पुर्व सभापति मनबहादुर रावल, संबिधान सभा सदस्य महा नेपाली, काँग्रेस नेता चक्र शाह लगायत हजारौं नेता कार्यकर्ताको उपस्थिती रहेको थियो ।