एमाले गफ गर्छ काँग्रेसले काम गर्छ, काँग्रेस केन्द्रीय सदस्य सिंह

बाजुरा, नेपाली काँग्रेसका केन्द्रीय सदस्य अर्जुनजङ्ग बहादुर सिंहले एमाले पार्टी भनेको गफ मात्रै गर्ने पार्टी भएको बताएका छन् । जनतालाई भुलाउन काँग्रेसले गरेका कामको निर्वाचनमा नारा वनाउदै जस लिने गरेको समेत बताएका छन् । जनतालाई भ्रम फैलाउदै मागेको दुई तिहाईले तिन बर्ष समेत राम्रोसंग सरकार चलाउन नसकि काँग्रेस सभापती शेर बहादुर देउवालाई सरकार चलाउन हारगुहार गरेको बताए । बैसाख ३० मा हुने स्थानीय तहको निर्वाचनमा जनताले यस्तो भ्रममा नपरी जनाताको भावना बुझ्ने पार्टी काँग्रेसको चुनाव चिन्न रुखमा मतदान गर्न आग्रह गरेका छन् । देशमा सरकार चलाउन काँग्रेस बाहेकको विकल्प नभएकाे समेत काँग्रेस केन्द्रीय सदस्य सिंहले बताएका हुन् । एमाले पार्टीका अध्यक्ष केपि शर्मा ओलीको उखान टुक्कामै दिन बितेको समेत बताएका छन् । गलत काम जति काँग्रेसले गरेको र राम्रा काम जति एमालेले गरेको भन्ने सोचले राजनितिकमा कतै नपुगिने बताए । स्थानीय तहमा काँग्रेसको सरकार भए सबै जनताका भावना अनुसार काम गर्ने गरेको बताएका छन् । एमसीसि आफु सरकारमा हुदा संसदमा लिने सरकारबाट बाहिएपछि मौंन बस्ने डा. भीम रावललाई संसद र सडकमा गाली गर्न लगाउन राम्रो चरित्र भएको पार्टी नभएको समेत जिकिर गरेका छन् । आईतबार नेपाली काँग्रेस गौमुल गाउँ कार्यसमितिले आयोजना गरेको चुनावी आमसभा लाई सम्बोधन गर्दै काँग्रेस केन्द्रीय सदस्य अर्जुनजङ्ग बहादुर सिंहले यस्तो बताएका हुन् ।