किशोरी बलात्कार अभियोगमा पक्राउ, ललितपुरबाट सुनका गरगहना चोरी

चैत्र,६-   तेह्रथुममा १७ वर्षीया किशोरीलाई जबरजस्ती करणी गरेको अभियोगमा एक जना पक्राउ परेका छन् । पक्राउ पर्नेमा सुनसरी इटहरी उपमहानगरपालिका(४ बस्ने २४ वर्षीय सन्तोष कटुवाल रहेका छन् । कटुवालले ती किशोरीलाई बिहीबार साँझ जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय वसन्तपुरबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

यसैगरी ललितपुर महानगरपालिका-२५ भैँसेपाटीमा चोरी भएको छ । आवासस्थित शान्ता श्रेष्ठको घरबाट करिब ८ लाख रुपैयाँ मूल्य बराबरका विभिन्न सुनका गहना शनिबार बिहान चोरी भएको हो ।

घरमा कोही नभएको अवस्थामा अपरिचित व्यक्तिहरुले कोठाको ताल्चा फोडी गहना चोरी गरी लगेको भन्ने खबर प्राप्त हुनासाथ महानगरीय प्रहरी प्रभाग बुङ्गमतीबाट खटिएको प्रहरीले चोरीमा संलग्न हाल फरार व्यक्तिहरुको खोजी गर्नुका साथै यस सम्बन्धमा आवश्यक अनुसन्धान गरिरहेको जनाइएको छ ।

यो समाचार आजको रातोपाटिमा छ ।