पाँच वर्षपछि फरार अभियुक्त पक्राउ

बाजुरा – जिल्ला प्रहरी कार्यालय बाजुराले बलात्कार गरेर फरार रहेका एक अभियुक्तलाई पक्राउ गरेको छ ।
पर्वी उत्तरी भेगको जगन्नाथ गाउँपालिका– ५ तल्लो काप्री बस्ने नेत्र अर्थात नवराज शाहीले एक महिला माथि राति सुतेको अवस्थामा बलात्कारको गरी फरार रहेको पाँच वर्षपछि पक्राउ गरेको जिल्ला प्रहरी कार्यालय बाजुराले जनाएको छ ।
एकल महिला छोराछोरी सहित सुतेको मौका छोपी जवरजस्ती बलात्कार गरेको प्रमाण सहित मुद्धा चलाइएको थियो ।
प्रहरीका अनुसार पक्राउ परेका ३२ वर्षीय नवराज शाहीलाई जिल्ला अदालत बाजुरामा उपस्थित गराई जिल्ला कारागार बाजुरामा जेल चलान गरिएको छ ।
जगन्नाथ गाउँपालिकाको गाउँमा लेकिछिपी बसेको अवस्थामा गोप्य सुचनाका आधारमा प्रहरीको टोलीले पक्राउ गरेको जिल्ला प्रहरी कार्यलय बाजुराका प्रहरी निरिक्षक तथा सूचना अधिकारी धनदेव साउँदले जानकारी दिएका छन् ।
पक्राउ परेका अभियुक्त शाहीलाई जिल्ला अदालत बाजुराले दुई वर्ष ६ महिनाको कैद सजायको फैसला सुनाएको थियो ।