जनताको हित विपरित काम गर्ने छैन्–प्रदेश प्रमुख जोशी

बाजुरा– सुदूरपच्शिम प्रदेशका प्रदेश प्रमुख देवराज जोशीले प्रदेश सरकाको प्रमुखमा नियुक्त भएर काम गर्दा जहिले जनताको हितमा रहेरर काम गर्ने अठोट लिएको बताउनुभएको छ ।

आफु जनताको काकममा लागिरहँदा संबिधानको अक्षरअंश पालना गरेर काम गर्ने बताउनुभयो । राट्रसेवक कर्मचारी भईसकेपछि ऐन कानुनमा रहि काम गर्न र दवावमा परेर कर्मचारीहरुले कानम नगर्न समेत अनुरोध गर्नुभएको छ । बडीमालिका नगरपालिकाले आयोजना गरेको स्वागत तथा सम्मान कार्यक्रममा बोल्दै प्रदेश प्रमुख जोशीले यस्तो बताउनुभएको हो ।

प्रदेश प्रमुख जोशी प्रदेश सरकारको प्रमुखमा नियुक्त भएपछि पहिलो पटक बाजुरा पुग्नुभएको हो । पहिलो पटक गृह जिल्लाको सदरमुकाम मार्तडी पुगेका प्रमुख जोशीलाई बाजुराको सदरमुकाममा रहेको बडीमालिका नगरपालिकाले पालिकामा भब्य स्वागत गरेको छ । बडीमालिका नगरपलिकाले प्रदेश प्रमुख जोशीलाई दोसल्ला ओडायर सम्मान्न तथा अभिनन्दन गर्नुभएको छ ।

बडीमालिका नगरपालिकाका नगर प्रमुख पदम बडुवालको अध्यक्षतामा संचालन भएको सम्मान तथा स्वागत कार्यक्रममा सुदूरपच्शिम प्रदेशका प्रदेश प्रमुख देवराज जोशी प्रमुख अतिथी रहनुभएको थियो । जिल्ला समन्वय समितिका सभापति नरेन्द्र कुमार रोकाया, बडीमालिका नगरपालिक नगर उप–प्रमुख कविता विष्ट, प्रमुख जिल्ला अधिकारी सुरक्षा निकायका प्रमुख र कार्यालयका प्रमखहरुको उपस्थिती रहेको थियो ।