अन्तर्राष्ट्रिय युवा दिवसको अवसरमा वृक्षरोपण,बालविवाह अन्त्य र लैङ्गिक हिंसा न्यूनीकरणसम्बन्धी कार्यक्रम

बाजुरा: बडीमालिका नगरपालिका वडा.नम्वर ७ स्तरिय युवा क्लवकाे आयोजनामा अन्तर्राष्ट्रिय युवा दिवसको अवसरमा वृक्षरोपण,बालविवाह अन्त्य र लैङ्गिक हिंसा न्यूनीकरण सम्बन्धी कार्यक्रम सञ्चालन गरिएको छ।

एक औंपचारिक कार्यक्रमका बिच ‘भिन्न परिवेश, साझा आकांक्षा’ युवा दिवसकाे नारा सहित युवा,महिला
समूह जनप्रतिनिधि,बालबालिका,सामाजिक अभियन्ता, शिक्षक,विद्यार्थी,लगायत पत्रकारकाे उपस्थितिमा ७ नम्वर वडा कार्यालयमा कार्यक्रमकाे आयोजना गरिएको हाे।

हरेक गतिविधिमा सक्रिय वडा स्तरिय युवा सञ्जालले
अन्तर्राष्ट्रिय युवा दिवस-२०२६ काे अवसरमा वातावरण संरक्षण गर्न वृक्षरोपण कार्यक्रम गरेकाे सञ्जालका सचिव लाेकेन्द्र तिमिल्सेनाले बताए।साथै समाजमा सकारात्मक सन्देश प्रवाह गर्ने उदेश्यले बालविवाह अन्त्य र लैङ्गिक हिंसा न्यूनिकरण सम्बन्धी जनचेतनामूलक कार्यक्रम समेत गरिएको उनकाे भनाई छ।

कार्यक्रममा सम्मानजनक र सभ्य समाज निर्माणमा युवाकाे महत्त्वपूर्ण भूमिका रहने हुँदा जागरुक युवाहरुलाई नीति, निर्माणमा सक्रिय सहभागीता गराउन प्रमुख आवश्यकता रहेकाे औंल्याईएकाे थियाे।कार्यक्रममा वाेल्ने वक्ताहरुले युवा समाज परिवर्तनका संवाहक भएकोले उनीहरुले समाजमा रहेका विकृति,विसंगति,छुवाछूत,भेदभाव,बालविवाह,लैङ्गिक हिंसा जस्ता अपराधकाे न्युनिकरणमा एकजुट भएर लाग्नुपर्नेमा जाेड दिएका थिए।

वन संरक्षणकाे महत्त्वपूर्ण उपाय वृक्षरोपण भएकोले युवा सञ्जालकाे सक्रियतामा दिवसकाे सदुपयोग गर्दै वृक्षराेपण
गरिएको सञ्जालका अध्यक्ष गणेश राज तिमिल्सेनाले बताए।उनले दिएकाे जानकारी अनुसार,माेरपङ्खी,बाँस,सिमल, बैँसका गरेर करिब ५० बढि बिरुवा वृक्षारोपण गरिएको जानकारी दिए।बिरुवा वृक्षरोपणले वातावरणीय संरक्षणमा प्रभाव पर्ने अपेक्षा लगिएकाे उनकाे भनाई छ।

चुथी स्थित १० शैया अस्पताल क्षेत्र,लक्ष्मी मावि र ज्ञानाेदय माविमा विरुवा वृक्षरोपण गरिएका हुन्।नीति,निर्माणमा युवाकाे सहभागीता,आजका युवा भाेलीका कर्णधार,
वृक्षरोपण गराै,वन जाेगाऔँ,बालविवाहकाे अन्त्य गराैँ,
जस्ता नारा सहित चुथी बजार परिक्रमा गरिएको थियाे।नारा जुलुसले युवा सहभागीता र सभ्य समाज निर्माणकाे गहिराे सन्देश दिएकाे हाे।

वडा स्तरिय युवा सञ्जालका अध्यक्ष गणेश राज तिमिल्सेनाकाे अध्यक्षतामा सञ्चालनमा भएको कार्यक्रममा एच.आरसी (HRC) बाजुराकी सामाजिक परिचालक शान्ति तिमिल्सेना,ज्ञानाेदय माध्यामिक विद्यालयका शिक्षक कुमार सिंह,लक्ष्मी माध्यामिक विद्यालयका शिक्षक नर बहादुर कार्की,वडा स्तरिय युवा सञ्जालका पदाधिकारी,पत्रकार लगायत लक्ष्मी र ज्ञानाेदय माविका गरेर ३० बढि विद्यार्थीहरुकाे सहभागीता रहेकाे थियाे।

युवा समाज परिवर्तनका आधार भएकोले राष्ट्रिय तथा अन्तर्राष्ट्रिय स्तरमा युवा केन्द्रित बहस पैरवी गर्ने,नीति,निर्माण तथा कार्यान्वयनमा युवा सहभागीता बढाउनु अन्तर्राष्ट्रिय युवा दिवसकाे मुख्य उदेश्य हाे।संयुक्त राष्ट्र संघकाे आह्वानमा सन्:२००० (अगस्ट १२) तारिखका दिन देखि याे दिवस मनाउने गरिएको हाे।