असारे कविताः किसानका हाँस्ने दिन आए ?

असारे कविताः किसानका हाँस्ने दिन आए?

बर्षाको पर्खाईमा बसिरहेका बेला,
माटो मज्जाले भिज्नेगरी पानी आयो,
किसानको मनमा खुसियाली छायो,
किसानको मुहार चम्किलो भयो।

आकाशमा मडारिरहेको बादलले,
किसानका सपनाहरु बोकेको छ,
किसानको ओठको हाँसो बोकेको छ,
किसानका आशा,भरोसा बोकेको छ ।

जब असारे झरी पर्यो ,
किसानको गास सुनिश्चित भयो,
किसानलाई चिन्ता र तनाबमुक्त गरेको छ,
किसानलाई छोराछोरी पाल्न सहज बनायो ।

यो असारे झरीमा अरु पो ओत बस्छन,
किसानलाई त पानीमा भिज्दा आनन्द भयो ,
किसानका सबै दुःख पिडा भुलाएको छ,
किसानका मनमा खुसि र उमङ्ख छाएको छ ,

नाच्ने र हाँस्ने दिन आएको महशुस भएको छ ।
काँधमा हलो बोकी एक हातमा लौरो समाएर,
अगाडी गोरुलाई हिडाउदै गरेर,
खेता,गडामा गोरु जोत्दै, गोरुलाई फकाउदै,

पुरै शरिरमा माटो लाग्दा ,हिलाम्य हुदा पनि,
माटो लाई धर्तिको पबित्र उपहार मानेर,
खेतमा अन्न रोप्दै,बिउ छर्दै गर्दा,
किसानमा सकरात्मक उर्जा थपेको छ ।

असारे गितहरु,रैथाने गितहरु गुनगुनाउँदै,
खुसिका कुरा आफन्त र छिमेकी लाई सुनाउदै,
मुस्कुराउदै,थकाई मेट्दै लामो सुस्केरा हालेको देख्दा,
साँच्चीकै किसानका हाँस्ने र बाँच्ने दिन आए ।।

लेखकः कमल विक
ठेगानाः बुढीनन्दा नगरपालिका ६,बाजुरा