कसैको बैशागी टेक्दैनौँ,रास्वपा देश बनाउन आएको हो,मालिक र हिरो बन्न होईन्ः गिरी

बाजुराः राष्ट्रिय स्वतन्त्र पार्टी (रास्वपा) बाजुराका बरिष्ठ नेता तथा केन्द्रीय अनुशासन समिति सदस्य राज बहादुर गिरीले रास्वपाले कुनै पनि व्यक्ति वा शक्तिको बैशागी टेकेर नहिड्ने बताएका छन्।आफ्नो बल,बृद्धि र विवेकले अघि बढ्ने पार्टी भएकोले रास्वपालाई कसैको बैशागीको आवश्यकता नपर्ने बताएका हुन्।

आईतबार सदरमुकाम मार्तडी खुलामञ्चमा आयोजित रास्वपाको ऐतिहासिक प्रथम जिल्ला सम्मेलनमा सम्बोधन गर्दै सदस्य गिरीले रास्वपा देश निर्माण र सुशासनको उदेश्य लिएर स्थापित भएको उल्लेख गर्दै पार्टीभित्र कसैलाई मालिक र हिरोको रुपमा प्रस्तुत नगर्ने बताए।

रास्वपा सामुहिक नेतृत्व,विधि र नितिका आधारमा सञ्चालित हुने पार्टी भएको उनले बताए।जनताको भारी मतका साथ देश हाँकिरहेको रास्वपा सरकारले जनताको हकहित र विकासात्मक कार्यलाई प्राथामिकता दिने समेत उनले प्रष्ट पारे।देशको सामाजिक,आर्थिक र राजनीतिक रुपान्तरणमा रास्वपा प्रतिबद्द रहेको प्रष्ट पारे।

‘देश निर्माण र जनताको पक्षमा वकालत गर्दै देशमा शान्ति, सुशासन कायम गर्न रास्वपा बनेको हो।जनताको भारी मतले रास्वपा अहिले गौरवशाली पार्टीको रुपमा स्थापित छ।’उनले भने,‘जनताले पत्याएको पार्टीलाई अब अरुको बैशागीको आवश्यकता छैन्।रास्वपा देश बनाउन आएको हो,देश बनाउँछ।कुनै मालिक र हिरो हुन् होईन्।’

जनताको आकांक्षा र उनीहरुले चाहेको परिवर्तनबाट करिब दुई तिहाई बहुमत पाएर सरकार बनाएको रास्वपाले जनताको विश्वासलाई केन्द्रमा राखेर काम गरिरहेको र आगामी दिनमा समेत देश र जनताको हकहितमा काम गर्ने धारणा राखे।गिरीले देशमा पारदर्शिता र जवाफदेहीताको अभ्यासलाई रास्वपाले अझै अब्बल बनाउने विश्वास व्यक्त गरे।

‘रास्वपाको मुख्य उदेश्य जनताको अपेक्षा अनुसार देशलाई सहि दिशामा अघि बढाउनु हो।पार्टीले लोकतान्त्रिक मूल्य,मान्यता र विधिको शासनलाई प्राथामिकतामा राखेर आफ्नो यात्रालाई निरन्तर अघि बढाउने छ।पार्टीको त्यो यात्रामा आम देशबासी नागरिकहरुले सधैं साथ दिने छन्।हाम्रो पार्टी अनुशासित पार्टी हो।हामी हरेक भ्रष्टहरुलाई बाहिर ल्याउने छौँ।’उनले भने।

गिरीले हामीले गर्ने राजनीति शुद्ध हुनुपर्ने बताउँदै रास्वपा सबैसंग समझदारी र भ्रष्टचारीलाई खवरदारी गर्दै अघि बताए।साथै उनले,‘जुन दिन खाए खिरै खिर,ती दिन गए तिरै तिरै ’बताउँदै जनताको मत नै सर्वाधिकार र जनमत हुने जिकिर गरे।जनताको मतले नै रास्वपा देशकै शक्तिशाली पार्टी र उसकै सरकार बन्न सफल भएको बताए।