कविता ‘सरकारी स्कुल’

हामीलाई क ख र अ आ सिकाउने पाठशाला,
हामीलाई शिक्षाको पँहुचमा पुगाउने सरकारी स्कुल ।
शुद्ध भाषामा अक्षर चिन्न,लेख्न र पढ्न सिकाउने,
अनि सभ्य भाषामा बोल्न सिकाउने सरकारी स्कुुल ।

हामी निमुखा र गरिब लाई ज्ञान र आवाज दिने ,
हामी सँग ५ पैँसा नहुदा पनि साथ दिने सरकारी स्कुल ।
हामीलाई शिक्षाको उज्यालो दिदै ज्ञानको मार्गमा डो¥याउने ,
पिडामा पनि शिक्षाले मलमपट्टी गरिदिने सरकारी स्कुल ।

बा आमालाई मेरा छोरा छोराछोरी पढालेखी छन भनि,
खुसि र उमङ्गका साथ भन्ने बनाउने सरकारी स्कुल ।
कापी कलम किन्ने क्षमता नहुदा पनि साथ दिने ,
स्कुल ड्रेस, निका लुगा नहुदा साथ दिने सरकारी स्कुल ।

रुदारुदै आधा जिन्दगी बिताएकी हाम्री आमालाइ ,
हामी शिक्षित ,ज्ञानी हदा हँसाउने सरकारी स्कुल ।
हाम्रै चिन्ताले जीबनभर जिउ झुराउदा पनि ,
आमा लाई खुसीका आँसु दिने सरकारी स्कुल ।

बुवाका हातका ठेला,भारी बोक्दा रेतिएका टाउका,
पिडामा आँखाका डिलैमा आएका आँसु थाम्न सक्ने,
हाम्रा बा लाई मेरो छोरा १२ कक्षा पढेको छ ,
व्याचुलर,डिग्री पढेको छ भनि बोल्ने बनाउने सरकारी स्कुल ।

जीबनभर अभाब र पिडाले थला परेका बा लाई ,
हामीले गरि कमाई खाँदा खुसि दिने सरकारी स्कुल ।
अशिक्षाले जीबनभर मन र दिमागमा खिल बोकेका बा लाई ,
छोरा जागीरे छ भनि सबै सामु उफ्राउने सरकारी स्कुल ।

नियम ,कानुन र प्रकृया था नपाउदा पछी परेको समाजलाई,
नियम ,कानुन र प्रकृयाका कुरा बुझाउने सरकारी स्कुल ।
समाजमा रहेका रुढीबादी चलन हटाउन भुमिका खेलेर,
समाज लाइृ सभ्य,संयमित र संस्कारी बनाउने सरकारी स्कुल ।

सबैलाई शिक्षा दिक्षा दिएर उन्नती प्रगतिमा साथ दिएर,
सामान्य गरिब,उत्पिढित परिवारको मान्छेलाई पनि ।
राज्यका ठुला ठुला पदमा पुगाउने सरकारी स्कुल ,
अन्तिममा सबैको गाली सहने पनि सरकारी स्कुल ।

लेखकः कमल वि.क.
ठेगानाः बुढिनन्दा नगरपालिका ६,बाजुरा