पर्यटकीय क्षेत्रकाे विकासमा ‘पर्यटन गुरु याेजना’ मार्फत अघि बढेका छाैँ: नगर प्रमुख खड्का

बाजुरा: बडीमालिका नगरपालिकाका नगर प्रमुख अमर बहादुर खड्काले पर्यटकीय क्षेत्रकाे विकासमा ‘पर्यटन गुरु याेजना’ मार्फत नगरपालिका अघि बढेकाे बताएका छन्।

खप्तड मालिका संग कुराकानी गर्दै नगर प्रमुख खड्काले पालिकाभित्र रहेका धार्मिक तथा पर्यटकीय क्षेत्रकाे विकासमा नगरपालिका ‘पर्यटन गुरु याेजना’ लाई आत्मसात गरेर अघि बढेकाे बताएका हुन्।

नगरभित्र सम्भावना बाेकेका पर्यटकीय क्षेत्रकाे उजागरकाे लागी नगरपालिकाले निति तथा कार्यक्रममा ‘पर्यटन गुरु याेजना’ बनाई साेही अनुरुप ती क्षेत्रकाे पर्यटन,प्रबर्द्धन,संरक्षण तथा सम्बर्द्धनमा नगरपालिका लागेकाे उनले प्रष्ट पारे।

नगरकाे प्रमुख विकास समृद्धि धार्मिक र पर्यटन क्षेत्र भएकोले पालिका भित्र रहेका विरेखाेला झरना,कालाजग्रा-पर्यटकीय हबकाे रुपमा रहेकाे पाेरखेगढी,जाल्पादेवी, दुनालेख,दहडाँडा जस्ता विभिन्न धार्मिक तथा पर्यटकीय क्षेत्रमा पदमार्ग निर्माण,भाैतिक पूर्वाधारकाे विकास लगायतका कार्य सञ्चालन गरिएको बताए।

उनले पालिकाकाे हरेक नीति तथा कार्यक्रममा यहाँका पर्यटकिय क्षेत्रकाे उजागर गर्न बजेट विनियोजनका साथै आन्तरिक तथा बाह्य पर्यटक भित्र्याउन पर्यटकीय क्षेत्रकाे प्रचार-प्रसारमा समेत जाेड दिईएकाे प्रष्ट पारेका हुन्।

नगर प्रमुख खड्काले जिल्लाकाे समग्र पर्यटकीय क्षेत्रकाे विकासमा स्थानीय तहरुले आन्तरिक रुपमा नीति तथा कार्यक्रममा पर्यटन संग सम्बन्धित पदमार्ग निर्माण,भाैतिक पूर्वाधारकाे विकास,सडक सञ्जालकाे विस्तारमा जाेड दिए।

जिल्लाभित्रका धार्मिक तथा पर्यटकीय क्षेत्रकाे विकासमा स्थानीय,प्रदेश र संघ सरकारले साझा याेजना र सामुहिक प्रतिबद्दताका साथ अघि बढ्नु पर्नेमा जिकिर गरे।सबै स्थानीय तहहरुले आफ्नाे पालिकामा रहेका पर्यटकीय सम्भावना बाेकेका क्षेत्रकाे पहिचान गरि ती क्षेत्रकाे पर्यटन,प्रबर्द्धन,संरक्षण र सम्बर्द्धनमा अघि बढ्नुपर्ने उल्लेख गरे।

‘सिमित बजेटमा स्थानीय सरकारले मात्रै केही गर्न सक्दैन्।यसमा प्रदेश र संघ सरकारले समेत चासाे दिनुपर्छ।’उनले भने,‘धार्मिक तथा पर्यटकीय क्षेत्र सबैका साझा सम्पति हुन्।यिनिहरुकाे संरक्षण र पर्यटन,प्रबर्द्धनमा सबैले जाेड दिनुपर्छ।स्थानीय सरकार यसमा प्रतिबद्द भएर अघि बढेकाे छ।’

बडीमालिका नगरपालिकाले धार्मिक तथा ऐतिहासिक महत्त्व बाेकेकाे दिव्य पावन भूमी बडीमालिकाकाे विकासमा‘बडीमालिका तिर्थयात्रा’लाई निरन्तरता दिदैँ आएकाे समेत उनले बताए।‘बडीमालिका तिर्थयात्राले बडीमालिकाे पर्यटन विकासमा थप टेवा पुगेकाे छ।साथै पालिका भित्रका पर्यटकीय क्षेत्रकाे उजागरमा नगरपालिका पर्यटन गुरु याेजना मार्फत अघि बढेकाे छ।’उनले भने।