स्काभेटर दुर्घटना: वेपत्ता रावल मृत फेला

बाजुरा: बाजुराको जगन्नाथ गाउँपालिका र कालिकोटको सीमानामा पर्ने लौखूडाँडामा स्काभेटर दुर्घटनामा परि वेपत्ता भएका बाजुराकाे जगन्नाथ गाउँपालिका ६ रावलबाडा बस्ने अन्दाजी १८ बर्षका महेश रावल मृत अवस्थामा फेला परेका छन्।

जिल्ला प्रहरी कार्यालयका बाजुराका अनुसार, कालिकोट नरहरीनाथ गाउँपालिका २ बस्ने अन्दाजी २५ बर्षका केशब बिष्टले चलाएको प्रदेश ३ ०१ ००३ क ६३११ नम्बरको स्काभेटर सडकबाट करिक २ सय मिटर तल पल्टिएको थियाे।

लौखु जिरो पोईन्ट–कोल्टी भित्र सडक खन्ने क्रममा निस्केको माटो कर्णाली करिडोरमा थुप्रिन गई सोही माटोको कारण कर्णाली करिडोर अवरुद्ध भएकोमा नयाँ निर्माण सडकबाट स्काभेटर सफा गर्न जाने क्रममा दुर्घटनामा परेको हो ।

डोजरमा चालकसहित दुई जना सवार रहेकोमा चालक र सहचालक सकुशल रहेकाेमा रावल भने वेपत्ता थिए।उनकाे खाेजी कार्य गर्दा स्काभेटर भएको ठाँउबाट अन्दाजी तीन सय मिटर तल मृत अवस्थामा फेला परेको जिल्ला प्रहरी कार्यालय बाजुराका प्रहरी निरिक्षक तथा सूचना अधिकारी नरेश बहादुर शाहीले जानकारी दिए।

अपरेटर (चालक) विष्टलाई अस्थायी प्रहरी पोष्ट साजघाँट कालिकोटबाट नियन्त्रणमा लिइएकाे छ।मृतक रावलकाे शव पाेष्टमार्टमकाे लागी काेल्टी आधारभूत अस्पताल पठाईएकाे जिल्ला प्रहरी कार्यालय बाजुराले जनाएको छ।सडकमा जम्मा भएको माटो सफा गरी सडक सुचारु गरिएको प्रहरीकाे भनाइ छ।