अनुशासन खेलाडी र खेल जगतकाे बलियो ‘हतियार’ हाे: समन्वय प्रमुख राेकाया

बाजुरा: जिल्ला समन्वय समिति बाजुराका प्रमुख तुलसीराम राेकायाले खेलाडी र खेल क्षेत्रकाे विकासमा अनुशासन महत्त्वपूर्ण हुने बताएका छन्।बाजुरा जिल्ला स्तरीय १६ औं राष्ट्रपति रनिङ शिल्ड प्रतियाेगिता उद्घाटन कार्यक्रममा बाेल्दै उनले यस्तो बताए।

प्रमुख अतिथि समेत रहेका राेकायाले अनुशासन विना खेलाडी र खेल क्षेत्रकाे विकास असम्भव रहेकाे प्रष्ट पारे।कुनै पनि खेलाडीले अनुशासन विना खेलमा उत्कृष्ट प्रर्दशन गर्न नसक्ने बताउँदै अनुशासन नै महत्त्वपूर्ण कडी रहेकाे बताएका हुन्।

खेल क्षेत्रमा खेलाडीकाे सफलता अनुशासनमा अडिएकाे हुन्छ।जसबाट खेलाडीले आफ्नो सफलता शिखरमा पुर्याउँछ।उनले भने,‘अनुशासन खेलाडी र खेल जगतकाे सबैभन्दा बलियो हतियार हाे,जसले खेलाडीलाई सफलताको शिखरमा पुर्याउन र खेल क्षेत्रलाई मर्यादित बनाउन अहम् भुमिका खेल्छ।’

अन्य व्यक्तिहरुमा अनुशासन नभए पनि महत्त्वपूर्ण नहुनेे तर खेलाडी र खेलकुदमा भने अनिवार्य अनुशासन हुनुपर्ने उनकाे भनाई थियाे।अनुशासनबाटै खेल खेलाईने हुँदा कुनै पनि खेल र खेलाडी अनुशासनहित विपरीत हुन नहुनेमा जाेड दिदैँ उनले कुनै पनि खेल खेल्दा खेरी हरेक नियमलाई सिराेधार्य गर्न आवश्यक रहेकाे बताएका हुन्।

‘अनुशासनले खेलाडीलाई नियमित अभ्यास गर्न,समयकाे सहि उपयाेग गर्न र आफ्नाे लक्ष्य केन्द्रीत रहन मद्दत गर्छ।अनुशासन विना कुनै पनि खेलाडीले उत्कृष्ट प्रर्दशन गर्न सक्दैन्।अनुशासनले खेललाई निष्पक्ष र व्यवस्थित बनाउँछ।साथै अनुशासित खेलाडीले खेललाई राेचक र प्रशिक्षककाे निर्देशनलाई सम्मान गरि टाेलीसंग सहकार्यमा जुट्छ ’।उनले भने।

खेलकुद केवल व्यक्तिकाे शारीरिक क्षमता प्रदर्शन गर्ने माध्यम मात्र नभई व्यक्तित्व विकासकाे महत्त्वपूर्ण साधन समेत रहेकाे प्रष्ट पारे।उनले जिल्लामा खेल प्रति चासाे भएका खेलाडी थुप्रै भएकोले तिनिहरुकाे प्रतिभा प्रष्फुटन गर्न समेत आवश्यक रहेकाे बताए।साथै समग्र बाजुरा जिल्लाकाे खेल क्षेत्रकाे विकासमा हातेमालो गरेर अघि बढ्नुपर्नेमा जाेड दिएका थिए।

कार्यक्रममा बडीमालिका नगरपालिकाका नगर-प्रमुख अमर बहादुर खड्काले आजको युग विज्ञान प्रविधिका साथै खेल क्षेत्रकाे युग भएकोले खेल क्षेत्रकाे विकास महत्त्वपूर्ण रहेकाे बताए।खेल जगतले स्थानीय स्तरदेखि अन्तर्राष्ट्रिय जगत सम्म सकारात्मक प्रभाव पार्ने हुँदा यसकाे विकासमा उल्लेख भुमिका खेल्नु पर्नेमा जाेड दिए।

साथै अनुशासनले खेलाडीमा धैर्यता,सहनशीलता र आत्मविश्वास जस्ता गुणकाे विकास गर्ने हुँदा खेलाडी अनुशासित हुन आवश्यक रहेकाे बताए।खेलमा सफलता अनुशासनले ल्याउँछ।उनले भने,‘जित वा हार दुवै अवस्थामा संयमित रहन सक्ने क्षमता अनुशासनसंग हुन्छ।याे विना खेलाडीले उत्कृष्टता ल्याउन सक्दैन्।जीवनका हरेक क्षेत्रमा सफल हुन अनुशासन महत्त्वपूर्ण छ।’