१६ औं जिल्ला स्तरीय राष्ट्रपति रनिङ शिल्ड मार्तडीमा सुरु

बाजुरा: बाजुरा जिल्ला स्तरीय १६ औं राष्ट्रपति रनिङ शिल्ड प्रतियाेगिता सुरु भएको छ।“राष्ट्रका लागी खेलकुद,
स्वास्थ्यका लागी खेलकुद,विद्यार्थीकाे सर्वाङ्गीण विकासका लागी खेलकुद” भन्ने मुल नाराका साथ एक औंपचारीक कार्यक्रमका बिच मंगलबार अर्थात् आजबाट सुरु भएको हाे।

जिल्ला खेलकुद समितिकाे आयोजना र बडीमालिका नगरपालिकाकाे सह-आयोजनामा प्रतियाेगिता सञ्चालन गरिएको हाे।जिल्लाका ९ स्थानीय तहमध्ये ८ वटा स्थानीय तहकाे सहभागीता रहेकाे छ।त्रिवेणी नगरपालिकाले सहभागीता जनाएको छैन्।

प्रतियाेगिताकाे कार्यक्रमका प्रमुख अतिथि समन्वय प्रमुख तुलसीराम राेकायाले व्यानर बाचर गरेर समृद्घाटन गर्नु भएको थियाे।सदरमुकाम मार्तडीस्थित मालिका नमुना माद्यामिक विद्यालयको खेल मैदानमा प्रतियाेगिता सञ्चालन गरिएको छ।

प्रतियोगीतामा लङजम्प, हाईजम्प, ट्रिपल जम्प, १ सय मिटर, २ सय मिटर, चार सय रिले, ८ सय मिटर, १५ सय र ३ हजार मिटर दौड, भलिबल छात्रछात्रा,कबड्डी लगायतका खेल सञ्चालन हुने जिल्ला खेलकुद समिति बाजुराकी कार्यालय प्रमुख लक्ष्मीदेवि बडुवालले जानकारी दिइन् ।

जिल्ला खेलकुद विकास समिति अध्यक्ष काेपिला सिंहकाे अध्यक्षतामा सञ्चालन भएको कार्यक्रममा समन्वय प्रमुख तुलसीराम राेकाया प्रमुख अतिथि रहनु भएको थियाे।त्यस्तै कार्यक्रममा ९ वटै स्थानीय तहका प्रमुख उपप्रमुख,अध्यक्ष,
उपाध्यक्ष,बिशिस्ट अतिथि र अतिथिकाे रुपमा रहेका थिए।

कार्यक्रममा विभिन्न राजनितीक दलका प्रमुख एवम् प्रतिनिधि,सुरक्षा निकायका प्रमुख एवम् प्रतिनिधि,खेल निर्णायक,विभिन्न पालिकाका खेल प्रशिक्षक,खेलाडी लगायत जिल्लास्थित विभिन्न सञ्चार माध्यममा कार्यरत पत्रकारकाे सहभागीता रहेकाे थियाे।आजबाट सुरु भएकाे खेल प्रतियाेगिता वैशाख १० गतेसम्म सञ्चालन हुने छ।

गत बर्षकाे जिल्ला स्तरीय १५ औं राष्ट्रपति रनिङ शिल्ड प्रतियोगीताको उपाधि १८ स्वर्ण, १५ रजत र १३ काँस्य सहित बडीमालिका नगरपालिकाले जितेकाे थियाे।त्यस्तै
१८ स्वर्ण, ७ रजत र १० काँस्य सहित बुढीनन्दा द्धितीय भएको थियाे।बर्षौदेखि जिल्ला स्तरीय रनिङ शिल्डको उपाधि जित्दै आएको बडीमालिकाले २०८० मा भने आफ्‌नाे बिरासत जोगाउन सकेकाे थिएन्।