मोटरसाइकल दुर्घटनामा घाइते अयडीको उपचारका क्रममा निधन

बाजुराः बाजुराको त्रिवेणी नगरपालिका वडा नं. ७ कोसेडी घर भएका नेपाल विद्यार्थी संघका केन्द्रीय सदस्य तथा त्रिवेणी नगरपालिका खेलकुद संयोजक  खडक बहादुर अयडीको उपचारका क्रममा निधन भएको छ ।

वैशाख ४ गते खेलकुद सम्बन्धी काम सकेर घर फर्किने क्रममा बाजुरा जिल्लाको सदरमुकाम मार्तडी नजिकै सुदूरपश्चिम प्रदेश ०१–००१ ब २३६९ नम्बरको मोटरसाइकल अनियन्त्रित भएर दुर्घटना हुँदा उनी गम्भीर घाइते भई अचेत अवस्थामा पुगेका थिए। दुर्घटनामा गम्भिर घाइते भएका उनको आज दिउँसो साढे ४ बजे धनगढी स्थित सेती प्रादेशिक अस्पतालमा मृत्यु भएको हो।

चार दिनसम्म बेहोस अवस्थामा रहेका अयडीको उपचारकै क्रममा मृत्यु भएपछि सिंगो परिवार शोकमा डुबेको छ ।उनलाई बचाउन  आर्थिक सहयोग समेत संकलन गरिएको थियो ।