ओली–लेखकलाई मात्रै हतारमा पक्राउ गर्नु गलत : कांग्रेस

काठमाडौं : नेपाली कांग्रेसले बालेन नेतृत्वको सरकारले पूर्व प्रधानमन्त्री र गृहमन्त्रीलाई हतारमा पक्राउ गर्नु गलत भएको बताएको छ । पूर्व प्रधानमन्त्री समेत रहेका एमाले अध्यक्ष केपी शर्मा ओली र पूर्व गृहमन्त्री तथा नेपाली कांग्रेसका नेता रमेश लेखकलाई आज विहान प्रहरीले पक्राउ गरेपछि शनिबार दिउँसो बसेको कांग्रेस शीर्ष नेताको वैठकले यस्तो निष्कर्ष निकालेको हो ।

गत भदौं २३-२४ को जेनजी आन्दोलनको घटना छानविनका लागि गठित गौरीबहादुर कार्की नेतृत्वको आयोगले बुझाएको प्रतिवेदन कार्यान्वयन गर्न भन्दै सरकारले ओली–लेखकलाई पक्राउ गरेको हो । घटनालाई सरकारले निष्पक्ष छानविन गरी न्याय निरुपण गर्नुको सट्टा घटनालाई राजनीतिककरण गर्न खोजेको समेत कांग्रेसले निष्कर्ष निकालेको छ ।