समानताकाे चेतना जागृत नभएसम्म लैङ्गिक हिंसाकाे अन्त्य हुन सक्दैन्: उप-प्रमुख थापा

खप्तड मालिका न्युज,बाजुरा:   बडीमालिका नगरपालिकाकी उप-प्रमुख नन्दा थापाले व्यक्तिमा समानताकाे चेतना जागृत नभएसम्म लैङ्गिक हिंसाकाे अन्त्य गर्न नसकिने बताएकी छन्। लैङ्गिक हिंसा विरुद्धको अभियान समापन तथा छाउपडी गाेठमुक्त वडा घाेषणा कार्यक्रममा बाेल्दै थापाले यस्ताे बताएकी हुन्।

कार्यक्रमकी प्रमुख अतिथि समेत रहेकी उप-प्रमुख थापाले जबसम्म महिला र पुरुष समान हुन् भन्ने चेतना व्यक्तिमा नआएसम्म कुनै पनि हालतमा लैङ्गकि हिंसाकाे अन्त्य नहुने बताएकी हुन्।लिङ्गकै आधारमा गरिने विभिन्न विभेदबाट बढिजसाे महिलाहरु हिंसाकाे सिकार हुने गरेकाे उप-प्रमुख थापाकाे भनाइ थियाे।

साथै उनले लैङ्गकि हिंसाकाे अन्त्य गर्न जरुरी रहेकाे बताउँदै लैङ्गकि हिंसाकाे सिकार हुनबाट जाेगिन महिला पुरुष दुबैले एक-आपसमा सचेतता अपनाउनु पर्ने बताएकी हुन्।प्रविधिकाे विकासले झनै हिंसा उग्र बन्दै गएकाेले प्रविधिकाे सहि ढंगले सदुपयोग गर्न आवश्यक रहेकाे बताईन्।

उप-प्रमुख थापाले पछिल्लो समय पुरुष समेत हिंसाकाे सिकार बन्दै गएकाेले आफू माथि भएको हिंसालाई नलुकाई खुलस्त रुपमा काुननी उपचारमा जानु पर्ने बताईन्। आफूमाथी भएको हिंसा लुकाएरै यस्ता खाले घटनाकाे संख्यामा बृद्धि हुने क्रम बढिरहेकाे उनकाे भनाइ थियाे।

समाजलाई प्रभावित बनाउने नकारात्मक कु-संस्कार र कुरितीकाे अन्त्य गरि सभ्य समाज निर्माण गर्नुपर्ने कुरामा थापाले जाेड दिईन्।संख्याको हिसावले हिंसाका घटनामा बृद्धि भएको जस्तो देखिए पनि पीडितहरुले पींडा दबाएर राख्ने गरेकै कारण समाजमा हिंसा बढेकाे उनले प्रष्ट पारेकी हुन्।

हिंसा बिरुद्ध कानुनी लडाईका लागि अग्रसर हुन सबैले हातेमाले गरेर अघि बढ्नु पर्ने बताउँदै न्यायिक समितिले घरेलु हिंसा बिरुद्ध कानुनी जागरणका कार्यक्रम समेत अघि बढाउनुपर्ने बताईन् ।उनले भनिन्,,“हिंसा निवारणका लागि पारिवारिक वातावरण,गरिवी र विपन्नता र अशिक्षाको अन्त्य गर्न जरुरी छ। महिला र पुरुष बिच जब समान अधिकार स्थापित हुन्छ अनि मात्रै हिंसाकाे अन्त्य हुन सक्छ।”

कतिपय समाजले अहिले पनि महिलाहरुलाई दबाएर राखिरहेकाे हुँदा यस्ता खाले घटनाहरु न्युनिकरण हुन नसकेकाे उनकाे भनाइ छ। अघिल्लो पुस्ता भन्दा पछिल्लो पुस्तामा घटनाकाे संख्यामा केही कमी आएता पनि निर्मुल भने हुन नसकेकाे थापाले बताईन्।अहिले महिलाहरु पनि उच्च ओहाेदामा रहेकाे बताउँदै उनले महिला र पुरुष समान हुन् भन्ने चेतना जागृत हुन जरुरी रहेकाे बताएकी हुन्।