बुढिनन्दाकाे छैटौं रास्ट्रपति रनिङ शिल्ड सम्पन्न,उपाधी जनप्रकाश मावीकाे पाेल्टामा

बाजुरा: बाजुराकाे बुढिनन्दामा सञ्चालित नगर स्तरिय छैटौं रास्ट्रपति रनिङ शिल्ड प्रतियाेगिता सम्पन्न भएको छ। “स्वास्थका लागि खेलकुद, राष्ट्रका लागि खेलकुद” भन्ने मुल नाराका साथ आयोजित उक्त प्रतियाेगिता भव्य रुपमा सम्पन्न भएको हाे।

नगरपालिकाको आयोजनामा आयोजित प्रतियाेगिताकाे उपाधी जनप्रकाश माध्यमिक बिधालयले पारेको हाे।जनप्रकाश माध्यमिक बिधालयकाे खेलमैदानमा मंसिर १६ देखि १८ गतेसम्म रनिङ शिल्ड सञ्चालन गरिएको थियोे।

प्रतियाेगितामा नगरभित्रका ५ वटा माध्यमिक बिधालयकाे सहभागिता रहेकाे थियाे । जनप्रकाश माध्यमिक बिधालयले १२ स्वण, ८ रज ४ कास्य ल्याएर उपाधी हात पारेकाे हाे। त्यस्तै बाँधु माध्यमिक बिधालयले ८ स्वण, ८ रजत र ५ कास्य सहित द्धितिय भएको छ भने देवडाँडा माध्यमिक बिधालयले ६ स्वण, ४ रज, ५ कास्य सहि तेर्सो स्थान हासिल गर्न सफल भएको हाे।

त्यस्तै सत्य माध्यमिक बिधालयले ३ स्वण, ७ रज, ६ कास्य, नन्देश्वारी माध्यमिक बिधालयले १ स्वण, ३ रज ६ कास्य ल्याउन सफल भएका हुन्। कुल ३० स्वण, ३० रजत र २८ कास्य गरेर जम्मा ८८ पदक प्राप्त भएको खेलकुद संयोजक महेश कार्कीले जानकारी दिए।

प्रतियाेगितामा विजेता बनेकाे जनप्रकाश माध्यमिक बिधालयलाई शिल्ड सहित कप उचाल्दै नगर प्रमुख जनक कुमार बोहराले हस्तान्तरण गरेका हुन् । साथै सम्पूर्ण बिजेता खेलाडीहरुलाई प्रमाणपत्र सहित मेडल प्रदान गरिएकाे थियाे।कार्यक्रममा बाेल्दै नगर प्रमुख जनक कुमार बाेहराले बुढिनन्दालाई खेल क्षेत्रबाटै अघि बढाउन पालिका कटिबद्ध रहेकाे बताए ।

साथै जिल्ला स्तरीय खेलकुद प्रतियाेगितामा नगरले पहिलाे स्थान ल्याउने गरि अघि बढेकाे समेत बताएका हुन्। पालिकाले खेल क्षेत्रकाे विकासमा प्रत्येक बर्ष बजेट विनियोजन गर्दै आएकाे बताउँदै बाेहराले आगामी बर्षहरुमा पनि खेल क्षेत्रकाे विकासमा बजेट विनियोजन गरिने बताए ।