बडीमालिका मष्टोदेवल ज्ञान-विज्ञान धार्मिक महायज्ञ: १ करोड ४० लाख रकम बढि संकलन

‎बाजुरा: बाजुराका त्रिवेणी नगरपालिका स्थित तोली देवलडाँडा माध्यमिक विद्यालयमा सम्पन्न बडीमालिका मष्टोदेवल ज्ञान–विज्ञान धार्मिक महा-महोत्सवबाट न्युनतम
१ करोड ४० लाख रकम बढि संकलन भएको छ।

मंसिर ६ गते देखि १४ गतेसम्म सञ्चालन भएको धार्मिक एवं ज्ञान विज्ञान महा-महाेत्सव महायज्ञबाट अनुमानित १ करोड ४० लाख रकम बढि संकलन भएको महायज्ञका कार्यक्रम संयाेजक तथा त्रिबेणी नगरपालिका ४ का अध्यक्ष गणेश शाउँदले बताए ।

उनका अनुसार,महायज्ञ भव्य रुपमा सु-सम्पन्न भएको बताउँदै यज्ञबाट माेटाेमाेटी १ करोड ४० लाख रकम बढि संकलन भएको बताएका छन्। सम्पुर्ण चन्ददाताहरुले दान गरेकाे रकम अनाथ टुहुरा बालबालिकाहरुका तथा आवासीय सुविधा सहित विद्यालयको सर्वाङ्गीण विकासका लागी प्रयाेग गरिने जानकारी दिए।

उनले भने,“माेटामाेटी एक कराेड चालीस लाखकाे अनुमानित गरेका छाै। न्युनतम त्यहि रकम दान संकलन भएको छ। उठेकाे जति सम्पूर्ण रकम पत्रकार सम्मेलन गरेर सार्वजनिक गर्नेछौं । ”

साथै उनले ९ दिनसम्म सव्य–भव्य, शान्तिपूर्ण र ऐतिहासिक रूपले सम्पन्न भएको धार्मिक महायज्ञलाई सफल बनाउन सहयोग पुर्‍याउने सम्पुर्ण सहयाेगीदाताहरुलाई धन्यवाद समेत दिएका छन्।

अनाथ टुहुरा बालबालिकाहरुका लागि आवासीय सुविधा सहित विद्यालयको सर्वाङ्गीण विकासको उद्देश्यलाई केन्द्रिकृत गरेर धार्मिक महायज्ञकाे आयोजना गरिएको आयोजक मूल समाराेह समितिले जनाएको छ।

ताेलि देवलडाँडा माविकाे खेल मैदानमा महायज्ञ सञ्चालन गरिएको थियाे । महायज्ञमा कथा प्रवक्ता श्री चैतन्य कृष्णजी महाराजको मुख्य कथा बाचन सहित विभिन्न भवन क्रृतनका कार्य गरिएका थिए । ‎

आध्यात्मिक मार्गदर्शन प्रदान गर्नु भएको प्रमुख वाचक आचार्य श्री कृष्ण चैतन्य गुरु सहित टिम, कलाकार शिशिर साधक, बाजागाजा, कीर्तन तथा सेवा–सत्कारमा समर्पित सबै प्रति आयोजकले विशेष आभार व्यक्त गरेकाे छ ।

बडीमालिका मष्टाेदेवल धार्मिक महायज्ञ: तस्विर: नवीन अयडी