बडिमालिका नगरपालिकाको छैटौँ नगर स्तरिय राष्ट्रपति रनिङ शिल्ड सुरु

बाजुरा: बाजुराकाे बडिमालिका नगरपालिकाको छैटौँ नगर स्तरिय राष्ट्रपति रनिङ शिल्ड औंपचारीक रुपमा आजबाट सुरु भएको छ।

साेमबार एक औंपचारीक कार्यक्रमका बिच बडीमालिका नगरपालिकाकाे भौनेरामा रहेकाे सत्यबादी माध्यामिक विद्यालयमा छैटौँ नगर स्तरिय राष्ट्रपति रनिङ शिल्ड सुरु भएको हाे।

‘राष्ट्रका लागी खेलकुद,स्वास्थ्यका लागी खेलकुद,विद्यार्थीकाे सर्वाङ्गीण विकासका लागी खेलकुद’
भन्ने मुल नारासहित प्रतियाेगिता सञ्चालन गरिएको हाे।उद्धघाटन कार्यक्रममा पालिकाकाबाट सहभागी बिध्यालयका बिभिन्न कार्यक्रमका साथै झाँकी प्रदर्शनी गरिएका थिए।

उद्घाटन कार्यक्रममा बाेल्दै नगर-प्रमुख अमर बहादुर खड्काले नगरकाे खेल क्षेत्रकाे विकासमा कुनै कदम पछि नहटेकाे बताए । साथै खेल क्षेत्र स्वास्थ्यका लागी पनि निकै महत्वपूर्ण भएकोले खेल क्षेत्रकाे विकासमा अझै बढवा दिनु पर्ने बताए ।

खेलकुदकाे स्वस्थ्य समाजकाे निर्माण गर्ने हुँदा याे क्षेत्र निकै अपरिहार्य रहेकाे समेत बताए । साथै विद्यार्थीकाे क्षमता विकास,मान,सम्मान र पहिचानकाे मुल धारमा पुर्याउने माध्यम नै खेल क्षेत्र रहेकाे प्रष्ट पारे।

त्यस्तै उपप्रमुख नन्दा कुमारी थापाले पालिकाले खेल क्षेत्रलाई प्रतिस्पर्धाकाे रुपमा मात्रै नभई,विद्यार्थीमा सुशासन,नेतृत्व विकास र आत्मविश्वास दरिलाे बनाउने माध्यमकाे रुपमा लिएकाे बताईन्। पालिकामा प्रतिभावान खेलाडी रहेकाे बताउँदै अझै नगरकाे नाम चिनाउने खेलाडी उत्पादन गर्न आवश्यक रहेकाे बताएकी हुन्।

बडीमालिका नगरपालिका खेलकुद संयोजक राजेश पायल विककाे अध्यक्षता संचालन गरिएको कार्यक्रमका प्रमुख अतिथि नगरप्रमुख अमर खड्का रहेका थिए । त्यस्तै विशिष्ट अतिथि उपप्रमुख नन्दा थापा रहेकी थिइन।कार्यक्रममा सहायक प्रमुख जिल्ला अधिकारी सितल बहादुर रावल, प्रमुख प्रशासकिय अधिकृत पदम बहादुर माझी, वडा न १ देखी ९ सम्मका वडाअध्यक्ष लगायत अतिथि रहेका थिए ।