बाजुरामा प्रथम छेडेदह क्रिकेट कप हुने

बाजुरा: बाजुराकाे छेडेदह स्पाेर्ट्स क्लवले याे बर्ष जिल्ला स्तरिय क्रिकेट प्रतियाेगिताकाे आयोजना गर्ने भएको छ। हरेक बर्ष नेपालीहरुकाे महान चाड दिपावलीकाे अवसरमा फुटवल प्रतियाेगिता गर्दै आएकाे स्पाेर्ट्स क्लवले याे बर्ष भने क्रिकेट प्रतियाेगिता गर्ने भएको हाे।

खेल उत्सवको रुपमा आयोजना हुदैं आएको सुन्दर नगरी आटीचाैरमा स्पाेर्ट्स क्लवकाे आयोजनामा यहि कार्तिक ६ देखि ८ गतेसम्म प्रथम छेडेदह कप क्रिकेट प्रतियाेगिता २०८२ सञ्चालन हुने भएको छ।

सर्वश्रेष्ठ खेल प्रदर्शन र खेल भावना प्रवर्द्धन गर्ने उद्देश्यले आयोजना गरिएको प्रतियोगितामा सम्पूर्ण खेलाडी, खेलप्रेमी तथा दर्शक महानुभावहरूलाई उपस्थितिका लागि आग्रह समेत गरिएको छ।

बाजुरा खेल्छ,बाजुरासँग खेलाडी छन। आफ्नै मैदानमा खेलाडी जन्मिन्छन् भन्ने प्रमाण छेडेदह गोल्डकपलाई उदाहरणकाे रुपमा लिन सकिन्छ।हरेक बर्ष गाेल्डकपकाे आयोजना गर्ने छेडेदहले यस बर्ष क्रिकेट प्रतियाेगिता गरेर चित्त बुझाउने भएको हाे।

सुन्दर नगरी आटीचौरको सेरोफेरो अनि हावापानीले
सम्झिरहने र याद गरिरहने गरेकाे छ। प्रेम ताल, बडालेक, डाँडाशैन, बथानलेक र कुडीकोटको सुन्दरतामा दर्शकहरु रमाउने गरेका छन्।प्रतियाेगितामा विजेता हुने टिमलाई नगद २१ हजार १ सय ट्रफी,मेडल र प्रमाणपत्र प्रदान गरिने छ ।

त्यस्तै द्वितीय हुने टिमलाई नगद ११ हजार १०० ट्रफी, मेडल,र प्रमाणपत्र प्रदान गरिने भएको छ।प्रतियाेगिताकाे लागी टिम दर्ता शुल्क तीन हजार रहेकाे छ । खेलमा जिल्ला भन्दा बाहिर खेलाडी राख्न पाईने छैन्। भने खेल क्यानकाे नियम अनुसार खेलाईने भएको छ।थप जानकारीका लागी लोकेन्द्र खड्काकाे माेबाईल नम्बर ९८४८५२३५१२ मा सम्पर्क गर्ने सकिने आयोजकले बताएको छ।

छेडेदह स्पाेर्ट्स क्लवले छैटौं संस्करण सम्मकाे गाेल्डकप प्रतियाेगिताकाे आयोजना गरि सकेकाे छ । प्रत्येक बर्ष छेडेदह स्पाेर्ट्स क्लवले आयोजना गर्ने गाेल्डकप निकै राेमाञ्चक हुने गरेकाे छ। गाेल्डकपकाे उपाधी भने कन्सर्न बाजुराकै कब्जामा रहने गरेकाे छ। छैटौं संस्करणकाे गाेल्डकपमा विजेताले ३ लाख र उपविजेताले २ लाख प्राप्त गरेका थिए ।