युवा क्लबको सक्रियता र स्थानीय जनश्रमदानमा काठेपुल निर्माण

बाजुराः युवा क्लबको सक्रियता र स्थानीय जनश्रमदानमा काठेपुल निर्माण गरिएको छ ।बडिमालिका नगरपालिका वडा नं ७ गोपीसेरामा रहेको कालाऋृषि युवा क्लबको सक्रियता र स्थानीयको जनश्रमदानमा काठेपुल निर्माण गरिएको हो ।

कालाऋृषि खोलामा बर्षातको समयमा आवतजावत गर्न सहज होस् भन्ने उदेश्यका साथ युवा क्लबको सक्रियता र स्थानीय जनश्रमदानमा काठेपुल निर्माण गरिएको कालाऋृषि युवा क्लबका अध्यक्ष गणेश राज तिमिल्सेनाले बताए । उनले भने,“युवा क्लवको सक्रियतामा समुदायकामा हरेक सामाजिक कार्य गरिदै आएका छन्। बर्षातको समयमा ससाना खोलामा पानीको बहाफ बढेर असहज हुँदै आएकोमा स्थानीयको जनश्रमदानमा काठेपुल निर्माण गरिएको हो । ”

खोलामा काठेपुल निर्माण भए पछी स्थानीय र कालिका आधारभुत विद्यालय पढ्न जाने विद्यार्थीहरुलाई आवत–जावतमा सहजता भएको विवेकशिल टोल समिति संयोजक मोती पाध्यायले बताए । वर्षायाममा खोलामा पुल नहुँदा आवत–जावतमा समस्या भईरहेको बेला युवा क्लबको सक्रियता र स्थानीय जनश्रमदानमा काठेपुल निर्माण पछि सहज भएको पाध्यायको भनाई छ ।

काठे पुल निर्माणले यहाँका स्थानीय तथा विद्यालय जाने विद्यार्थीहरुलाई सहजता प्रदान गर्ने विश्वास लगिएको छ । कालाऋृषि युवा क्लबले यसअघि पनि विभिन्न सामाजिक कार्यहरू गर्दै आएको छ ।गाउँ समाजको विकास हुने सकारात्मक कुरामा युवाक्लब सधै अघि बढिरहेको क्लबका सदस्य शुभराज तिमिल्सेनाले बताए । उनले भने,“युवा क्लबले समाजका सामाजिक,आर्थिक,पर्यटन पर्बद्धन सम्बन्धी जनचेतनामुलक कार्यक्रम,प्रचार प्रसार तथा कुरिती कु-संस्कारका बिषयमा आजाव उठाउदै आएको छ । आगामी दिनमामा पनि प्रभावकारी ढंगले क्लबले काम गर्ने छ ।”

साथै यता स्थानीयले क्लबको हरेक योगदानको उच्च कदर गर्दै समाजलाई सकारात्मक बाटोमा ठोर्याउन अझै शसक्त भएर लाग्न आग्रह समेत गरेका छन् ।क्लबले समाज परिर्वतन गर्नमा ठुलो भुमिका खेलिरहेको उनीहरुले विश्वास व्यक्त गरेका छन् ।