बडीमालिकाकाे निती: “गाउँले गुरु” अभियान कार्यक्रम

खप्तड मालिका न्युज,बाजुरा: बडिमालिका नगरपालिकाले “ गाउँले गुरु” अभियान कार्यक्रम सञ्चालन गर्ने भएको छ । नगरपालिकाले मङ्गलबार आर्थिक बर्ष २०८२/८३ को नीति तथा कार्यक्रम प्रस्तुत गर्दै समाजमा जिवनाेपयाेगी सीपलाई प्रभावकारी बनाउन “ गाउँले गुरु ” अभियान कार्यक्रम सञ्चालन गरिने भएको हाे।

बडीमालिका नगरपालिकाकाे “गाउँले गुरु” कार्यक्रम अन्तर्गत समुदायका व्यक्तिबाट जिवनाेपयाेगी सीप सम्बन्धी महिनाकाे एक शुक्रबार अभियान संचालन गर्ने भएको हाे । बडीमालिका नगरपालिकाको आिर्थक बर्ष २०८२/२०८३ को निती तथा कार्यक्रममार्फत सो अभियान संचालन गर्ने निती लिएको नगर प्रमुख अमर खड्काले बताए ।

त्यसै गरि एक टाेल एक गुरु अभियान अन्तर्गत कक्षा १२ वा स्नातक उर्तिर्ण स्वयंसेवक मार्फत नैतिक शिक्षा,नवीन प्रविधि,स्थानीय सीप,टाेल सभा र सामाजिक विरुद्धकाे अभियान सञ्चालन गरिने नगर प्रमुख खड्काले बताए ।

त्यसै गरि कृषि क्षेत्रकाे सुधारका लागी कृषि हाटबजार सञ्चालन,काेदाेकाे विस्कुट उत्पादन तथा बजारिकरण,हप्तामा एक पटक पढ्दै सिक्दै कृषि कर्म कार्यक्रम,प्रविधि सङ्ग बारीमै अभ्यास,स्वास्थ्य क्षेत्रको सुधारका लागि स्मार्ट हेल्थ कार्यक्रम,
सबै स्वास्थ संस्थामा टेलि हेल्थ सेवा विस्तार,हेल्थ रिमाईन्डर सेवा,मनका कुरा मानसिक स्वास्थ कार्यक्रम,मुटुरोग,आँखा ,स्त्रीराेग जस्ता जटिल समस्या भएका नागरिकका लागि स्वास्थ्य शिबिर लगायतका कार्यक्रमहरु रहेको नगर प्रमुख खड्काले बताए ।

त्यसै गरि उद्योग तथा राेजगार क्षेत्रकाे विकासमा परम्परागत सिपकाे संरक्षण र आधानिकिकरण,लघु उद्यम स्थापना,पर्यटन क्षेत्रकाे विकासमा बडीमालिका पर्यटन क्षेत्र विकास कार्यक्रम,टुरिजम सर्किट,प्रचार र देश व्यापी र्याली,पर्यटन समिति गठन,पर्यटकीय संरचना निर्माण,सुशासन क्षेत्रकाे विकासमा याेजना सम्झाैता वडा कार्यालयबाट अनिवार्य,वडा सचिव/ प्राविधिक स्थायी रुपमा वडामै रहने व्यवस्था,ई- हाजीरी प्रणाली लागू,एकीकृत सेवा प्रवाह प्रणाली सुरु,लगायतका कार्यक्रम सभाबाट पारित गरिएको नगर प्रवक्ता धर्मराज पाध्यायले बताएका छन ।