त्रिबेणी नगरपालिकाले अग्नी पिडितलाई दश लाख आर्थिक सहयोग गर्ने

बाजुराः बाम्का बजारमा आगलागीबाट पिडित भएकालाई त्रिबेणी नगरपालिकाले आर्थिक सहयोग गर्ने भएको छ।नगरपालिकाले आइतबार एक सूचना जारी गर्दै अग्नी पिडितहरुलाई राहत स्वरुप दश लाख रुपैयाँ सहयोग गर्ने जनाएको हो।

आगलागीबाट भएको जनधनको क्षती प्रती नगरपालिकाले दुख व्यक्त गरेको छ ।यस दु:खत घडीमा स्थानीय व्यवसायीको जिविकोपार्जनमा भएको असर प्रती दु:ख प्रकट गर्दै नगरपालिकाले उनीहरुको राहत,उद्दार तथा पुन:व्यवसाय सञ्चालन गर्नको लागी सङ्घ र प्रदेशमा आवश्यक पहल गर्ने बताएको छ । जिल्लाका अन्य स्थानीय तहहरुले पनि आवश्यक सहयोग गर्नु पर्ने नगरपालिका द्वारा जारी विज्ञप्तिमा भनिएको छ ।

अग्नीबाट पिडितहरुका लागि राहत वितरण तथा पुन:स्थापनमा सहयोग पुर्याउने उद्देश्यले सो रकम सहयोग गरिएको नगर प्रमुख कर्ण बहादुर थापाले बताए। विपत्ती आएका बेला सबै स्थानीय तहले सहयोग गर्नुपर्ने थापाको भनाई छ ।