विद्यालय दिवा खाजा व्यवस्थापन सम्बन्धी कार्यक्रम सम्पन्न

बाजुरा: जिल्लाकाे त्रिवेणी नगरपालिकामा विद्यालय दिवा खाजा व्यवस्थापन सम्बन्धी एकदिने कार्यक्रम सम्पन्न भएको छ। बिहिवार एक कार्यक्रमका बिच सञ्चालन गरिएको उक्त १ दिने कार्यक्रम सम्पन्न भएको हाे।

गिफ्ट नेपाल बाजुरा र त्रिनगरपालिकाको साझेदारीमा आयोजना गरिएको उक्त कार्यक्रममा नगर भित्रका सामुदायिक विद्यालयका प्रधानाध्यापक, विद्यालय व्यवस्थापन समिति, अभिभावक संघका प्रतिनिधि तथा विभिन्न सहकारिक कर्मचारी शिक्षकहरूको सहभागिता रहेको थियो।

कार्यक्रममा विद्यालयमा दिइने दिवा खाजा व्यवस्थापनलाई प्रभावकारी, पोषणयुक्त र पारदर्शी बनाउनका लागि विभिन्न रणनीतिहरू प्रस्तुत गरिएका थिए। त्रिवेणी नगरपालिकाका शिक्षा शाखा प्रमुख गणेश बहादुर साउदले स्थानीय उत्पादनको प्रयोग गरी पोषणयुक्त खाजा उपलब्ध गराउनुपर्नेमा जोड दिनुभयो।

त्यसैगरी कार्यक्रममा सहभागी तथा स्वास्थ्यकर्मीहरूले पोषणको महत्त्व, विद्यार्थीहरूको स्वास्थ्यमा खाजाको प्रभाव र व्यवस्थापनमा पारदर्शिता राख्नुपर्ने विषयमा प्रस्तुति दिएका थिए।कार्यक्रमको समापनमा नगर उपप्रमुख कमला जैशी न्यौपानेले विद्यालयमा दिइने खाजा कार्यक्रम बालमैत्री र समावेशी बनाउने प्रतिबद्धता व्यक्त गर्नुभयो।

कार्यक्रममा त्रिवेणि नगरपालिका प्रमुख कर्ण बहादुर थापा उपप्रमुख कमला जैशी न्यौपाने,त्रिवेणि नगरपालिका प्रमुख प्रशासकिय अधिकृत चिरञ्जीवि शाह,त्रिवेणि शिक्षा शाखा प्रमुख गणेश साउद वडा नम्बर २, ३,४, ८ र ९ का वडा अध्यक्ष विभिन्न सहकारीका कर्मचारी पत्रकार लगायतको उपस्थिति हरेको थियो ।