सञ्चारकर्मी विकले गरे जन्मदिनको अवसरमा विद्यार्थीलाई शैक्षिक सामग्री वितरण

खप्तड मालिका न्युज, बाजुरा: रेडियो बडीमालिका ९५.२ मेगाहर्जमा कार्यरत सञ्चारकर्मी खेमराज विकले आफ्नो जन्मदिनको अवसरमा बिद्यार्थीलाई शैक्षिक सामाग्री वितरण गरेका छन्। जन्मदिनको अवसरमा फजुल खर्च गर्नु भन्दा बिद्यार्थीहरुलाई शैक्षिक सामाग्री वितरण गरेकाे सञ्चारकर्मी विकले बताएका छन्।

कैलाशश्वरी माध्यमिक विद्यालयका विद्यार्थीलाई सञ्चारकर्मी विकले कापी र कलम वितरण गरेका हुन्।विद्यालयमा आयोजित एक विशेष कार्यक्रममा उनले शैक्षिक सामग्री हस्तान्तरण गरिएको हाे। सो अवसरमा विद्यालयका प्रधानाध्यापक भान्सिङ अयडी र शिक्षिका गीता श्रेष्ठ लगायत शिक्षक शिक्षिकाले विकलाई जन्मदिनको शुभकामना व्यक्त गर्दै उनको सामाजिक कार्यको प्रशंसा गरेका हुन्।

शिक्षा नै उज्ज्वल भविष्यको आधार भएको उल्लेख गर्दै सञ्चारकर्मी विकले विद्यार्थीहरूको अध्ययनलाई थप सहज बनाउन सकियोस् भन्ने उद्देश्यले आफूले थाेरै भए पनि सहयाेग गरिएकाे विकले बताएका छन्। विद्यार्थीहरूले समेत विककाे योगदान प्रति आभार व्यक्त गरेका छन्।समाजमा सकारात्मक परिवर्तनका लागि सञ्चारमाध्यमको भूमिकासँगै व्यक्तिगत प्रयास पनि महत्त्वपूर्ण हुने भन्दै उपस्थित शिक्षक, विद्यार्थी हरूले यस्ता कार्यले विद्यार्थीलाई प्रेरणा दिने विश्वास व्यक्त गरे छन।

विगत लामाे समयदेखि पत्रकारीता क्षेत्रमा आबद्ध रहेका विकले आगामी दिनहरुमा पनि यस्तै कार्य गरिरहने बताएका छन्। शैक्षिक सामाग्री वितरण कार्यक्रममा बिद्यालयका शिक्षक,शिक्षिका,बिद्यार्थी लगायत अभिभावककाे उपस्थित रहेकाे थियाे ।