तिनै बाबूछाेराकाे संयुक्त सहकार्यमा: ‘ओए झुमा-पागलै छु म’

गाेविन्द्र राज तिमिल्सेना,बाजुरा: नेपाली लोक देउडा क्षेत्रमा एकछत्र राज गर्न सफल चर्चित लाेक तथा देउडा गायक प्रकाश थापाकाे “ओए झुमा-पागलै छु म” लाेक देउडा गित सांङ्गितिक बजारमा आएकाे छ।

तिन बाबू छाेराकाे संयुक्त आवाजमा सजिएकाे उक्त गित बुधबार गायक थापाकाे अफिसियल युउटुब च्यानलबाट सार्वजनिक गरिएको हाे।गितमा गायक थापा र उनका छाेरा द्वय अनिश थापा र आशिष कुमार थापाकाे श्वर रहेकाे छ।

गायक थापा र उनका दुई छाेराकाे संयुक्त आवाज सहितकाे गित “ओए झुमा-पागलै छु म” पहिलो पटक सांगीतिक बजारमा ल्याईएकाे हाे।गित गायक थापाकै शब्द,संगीतमा बनेकाे छ।भने विनाेद बाजुरेलीले एरेञ्जर गरेका छन्।

खडक बाजुरेलीले मिक्सिङ गरेकाे उक्त गित सागर बाजुरेलीले रेकर्ड गरेका हुन्।राजेन्द्र बाजुरेलीले (भाेकल) आवाज सम्पादनमा साथ दिएका छन्।याे गितकाे काेरस भाग गायिका लक्ष्मी नेपाली र सागर बाजुरालीले गाएका छन्।मालाश्री रेकर्डिङ स्टुडियोमा रेकर्ड गरिएको  गितको निर्देशन गौरव गिरीले गरेका छन्। भने कामना केशी,कमल सिंह र राजमुकार सिंहले अभिनयकाे भूमिका निर्वाह गरेका छन् ।

आकर्षक शब्द र आधुनिक संगीत संयाेजनले सजिएकाे यस गितले युवा पुस्तालाई आकर्षित गर्ने अपेक्षा राखिएकाे छ।खासगरि यूवा पुस्ताको रोजाई र समयको मागलाई मध्येनजर गर्दै तयार पारिएको यो गीतले अन्य गित जस्तैः दर्शक श्राेताकाे माया पाउने विश्वास आफूलले लगेकाे गितका गायक प्रकाश थापाले बताए।

युवा पुस्तालाई प्रेरित गर्ने गितमा प्रेम र भावनात्मक भाव समेटिएकाे जाेड दिए।साथै उनले तिनै बाबू छाेराकाे आवाजमा गित सजिएकाे हुँदा यसले थप जीवन्त बनाई राख्ने बताएका हुन्।गित सार्वजनिक भए पछि सामाजिक सञ्जालमा दर्शक श्राेताहरुकाे सकारात्मक प्रतिक्रिया देखिनुका साथै छाेटाे समयमै सबैकाे ध्यान केन्द्रित गर्न सक्ने देखिएकाे छ।

भावनात्मक र रमाइलो शैलीमा तयार गरिएको उक्त गितमा पारिवारिक सहकार्य,संगीतप्रतिकाे लगाव र अहिलेकाे बदलिँदो युगमा आधुनिक स्वादकाे समिश्रण देख्न सकिन्छ। श्राेताहरुले तिनै बाबूछाेराकाे संयुक्त सहकार्य र उत्कृष्ट प्रतिभाकाे प्रशंशा गर्दै गितलाई नयाँ स्वादकाे सांगीतिक प्रयाेग भन्दै सकारात्मक प्रतिक्रिया दिएका छन्।

गितकाे वाेलले सामान्यतया प्रेममा परेर भएको अत्याधिक भावना,बेचैनी वा दिवानापन देखाउँछ।अर्थात् गितमा गायकले ‘झुमा’ भन्ने व्यक्तिप्रति गहिरो आकर्षण वा प्रेम भएको र त्यसले आफूलाई ‘पागल’ जस्तो बनाएकाे भावना व्यक्त गरेकाे पाईन्छ।यस्तो पुस्तागत सहकार्य संगीत क्षेत्रमा कमै देखिने हुँदा ‘ओए झुमा-पागलै छु म’ बाेलकाे गितले विशेष चर्चा बटुल्ने अनुमान समेत गरिएको छ।

गित सुन्न तलकाे लिंक दबाउनुहाेला….