बाजुरामा हावाहुरी,चट्याङ,र पहिराेबाट पशुचाैपाया र घरमा क्षती

बाजुरा: बाजुरामा हावाहुरी,चट्याङ,र पहिराेबाट विभिन्न ठाउँमा क्षती भएको छ। हिजाे साझँ तिर आएकाे बर्षात संगैकाे हावाहुरी र चट्याङले यहाँका विभिन्न ठाउँमा क्षती पुर्याएकाे हाे।बाजुरा जिल्लाकाे जगन्नाथ गा.पा. २ माथिल्लो हुनीमा अबिरल वर्षाको कारण पहिरो गई भेडा र बाख्रा मरेका छन्।

जिल्ला प्रहरी कार्यालय बाजुराका प्रहरी निरीक्षक एंव प्रवक्ता नरेशबहादुर शाहीले दिएकाे जानकारी अनुसार,जगन्नाथ गाउँपालिका २ माथिल्लो हुनी बस्ने चैन बहादुर बिष्टका ५४ वटा बाख्रा मध्ये पहिरोमा परी २ वटा मृत फेला र ९ वटा बेपत्ता भएका छन्। त्यस्तै अमृत ल्वारका ५६ वटा बाख्रा मध्ये पहिरोमा परी ३ वटा मृत फेला र १४ वटा बेपत्ता भएको बताए ।

त्यस्तै राज बहादुर बिष्टका ४० वटा भेडा मध्ये पहिरोमा परी ५ वटा मृत फेला र १० वटा बेपत्ता भएका हुन्।भने ऐन बहादुर बिष्टका ९५ वटा भेडा मध्ये पहिरोमा परी ३ वटा मृत फेला र ५ वटा बेपत्ता भएका छन्।त्यस्तै हिजाे साँझ करिब ६ बजेतिर त्रिवेणी न.पा. वडा नं. ९ खोयाका कुल बहादुर साँउदको बाख्रा गोठ नजिकै मेलको रुखमा चट्याङ पर्दा गोठमा भएको ३ वटा बाख्राको मृत्यु भएको हाे।

खप्तड छेडेदह गा.पा. १ काट्या तलगाँउ बस्ने बिरे रावलको पसल हावाहुरीले उडाएको हाे।हावाहुरीबाट निजको काठ र जस्तापाताले बनेको भुईतले पसल उडाई पसलमा रहेका जुताचप्पल, कपडा र कपडा सिलाउने मेसिनमा क्षती भएको र मानबिय क्षेती भने केही नभएको जिल्ला प्रहरी कार्यालय बाजुराले जनाएको छ।