पुनः फर्म सुचिकृत गर्न बडीमालिका नगरपालिकाको व्यवसायि तथा निजि प्रतिष्ठान फर्महरुलाई आग्रह

माघ १५,बाजुराः जिल्लाको बडीमालिका नगरपालिकाले पुन फर्म सुचिकृत गर्न हुन ब्यबासायिक तथा निजि प्रतिष्ठान फर्महरुलाई आग्रह गरेको छ । कार्यालयले मंगलबार एक सुचना जारी गर्दै नग कार्यपालिकाको कार्यालय र ९ वटै वडा कार्यालयहरुको सरकारी काम सम्पादनका लागी ब्यबसायिक तथा निजि प्रतिष्ठान,फर्म तथा पशलहरुबाट सामाग्रीहरु खरिद गर्नुपर्ने हुँदा आफुले दिन सक्ने सेवा र सो बाफतको मुल्य स्पस्ट खोली नगरपालिकाको कार्यालयमा पेश गर्न आग्रह गरेको हो ।

नगरपालिकाले फर्म सुचिकृतको लागी यस अघि १५ दिने सुचना प्रकाशित गरेकोमा हालसम्म एउटा मात्र फर्म सुचिकृत भएको हुँदा पुनः दोस्रो पटक फर्म सुचिकृतको लागी सुचना प्रकाशित गरेको हो । कार्यालयले सुचना मार्फत एक साताभित्र पुनः फर्म सुचिकृत गर्न आग्रह गरेको छ । यदि ७ दिनभित्र पनि ब्यबसायिक तथा निजि प्रतिष्ठान,फर्म तथा पशलहरुबाट सुचिकृतका लागी कागजात पेश नभएमा यस कार्यालयले निर्धारण गरेको बस्तु तथा सेवाको मुल्य दर नै अन्तिम हुने नगरपालिकाले जनाएको छ । सुचनामा चिया,खाजा,खाना,स्टेशनरी,पेन्टिङ,ब्यानर लगायत सामानको नाम उल्लेख गरिएको छ ।

चियाको लागी किसिमहरुमा कालो,लेमन र दुध चियाको छुट्टै उल्लेख गर्ने,खाजाको लागी खाजाका बिभिन्न किसिमहरु उल्लेख,खानाको लागी खानाका बिभिन्न किसिम संगै स्टेशनरीको लागी बिभिन्न किसिमहरु उल्लेख गर्ने सुचनामा भनिएको छ । सुचिकृतको लागी फर्म तथा पशल धनीहरुको नेपाली नागरिकताको प्रमाणपत्रको प्रतिलिपि सहित निवेदन,स्थायी लेखा नम्बर,नगरपालिकामा ब्यबसाय दर्ता प्रमाणपत्र,चालु आर्थिक बर्षमा नविकरण गरेको प्रमाणपत्र र मुल्य सुचिको विवरण पेश गर्नुपर्ने प्रमुख प्रशासकीय अधिकृत पदमबहादुर माझी द्धारा हस्ताक्षरित सूचनामा भनिएको छ ।