खप्तड छेडेदहमा भालुकाे आक्रमण बाट एक जना गम्भीर घाईते

बाजुरा: जिल्लाकाे खप्तड छेडेदहमा भालुकाे आक्रमण बाट एक जना गम्भीर घाईते भएका छन् । घाईते हुनेमा साेहि पालिकाकाे वडा नम्बर ३ धुर्ताेला बस्ने अन्दाजी ३५ बर्षका रणबहादुर रावत रहेकाे प्रहरीले जनाएको छ ।

रावत मंगलबार दिउँसो स्याउला बटुल्ने क्रममा खप्तड राष्ट्रिय निकुज्ज नजिक रहेकाे  जंगलमा गएकाे बेला भालुकाे आक्रमणबाट गम्भीर भएको जिल्ला प्रहरी कार्यालय बाजुराका प्रमुख प्रहरी नायव उपरिक्षक  दिलीपकुमार गिरीले बताएका छन् । भालुले रावतकाे टाउको, मुख, छाती र बायाँ हात चुडेकाे र अवस्था गम्भीर रहेको बताएको छ ।

उनकाे अछामको बयालपाटा अस्पतालमा पुर्याएर उपचार भइरहेको जिल्ला प्रहरी कार्यालय बाजुराले जनाएको छ ।