सुदूरपश्चिममा जनस्वास्थ्य संघको नयाँ कार्यसमिति चयन

धनगढीः नेपाल जनस्वास्थ्य संघ सुदूरपश्चिम प्रदेशको ९नेफा० नयाँ कार्यसमिति चयन भएको छ। धनगढीमा भएको नेफाको दोस्रो वार्षिक साधारण सभाले झनकराज ढुङ्गाना अध्यक्षतामा ११ सदस्यीय नयाँ कार्यसमिति चयन गरेको हो। उपाध्यक्षमा जानकी पराजुली मिश्र, सचिवमा अशोकराज जोशी, कोषाध्यक्षमा महेशप्रसाद विष्ट, सह–सचिवमा धनराज मिश्र चयन भएका छन्।
यस्तै, सदस्यमा देवी चन्द्र थापा, प्रकाश देउवा, लालमणी जोशी, सञ्जयबहादुर चन्द, अन्जु भट्ट र नृपबहादुर डङ्गोरा चयन भएका छन्। नयाँ कार्यसमितिका पदाधिकारीहरुलाई निर्वाचन समितिका संयोजक लालबहादुर धामीले प्रमाणपत्र वितरण गरेका थिए। सो अवधिमा निवर्तमान अध्यक्ष तथा वर्तमान केन्द्रीय सदस्य दयाकृष्ण पन्तले पद हस्तान्तरण गरेका थिए।