(कुसुम कान्छो) का केही रोचक मुक्तक

गोबिन्द्र राज तिमिल्सेना (कुसुम कान्छो) का केही रोचक मुक्तक

१ः
कहिल्यै छाएन् उमंग के गुनासो गर्नु
पारेर दुँनियालाई दंग के गुनासो गर्नु
सधै साथ दिन्छु भन्ने तर छोडेर जाने,
आँखिर धोकेबाजसंग के गुनासो गर्नु।।

२ः
विकाश भन्दै काप्ने थुरथुर नेता भएपछि
सम्झाउँदा खेरी रिसले चुर नेता भएपछि
अनि यो गाउँ ठाउँको विकाश कसरी हुनु,
केहि पनि गर्न नसक्ने झुर नेता भएपछि।।

३ः
आँखिर मान्छे आफ्नै चुरीफुरी देखाउँछन्
खै किन हो कुन्नी हातमा छुरी देखाउँछन्
बिनासित्ती रिसाई शिर नै छिनाउँछु भनी,
आँखा रातो पारेर यहाँ खुकुरी देखाउँछन् ।।

४ः
तिम्रोमा कोदो मेरोमा धान परे पछी
एकाएक आपसमै हानाहान परे पछी
कसरी पुग्छौ आफ्नो गन्तब्यमा अब,
यहाँ सबै नचिनेको अन्जान परे पछी।।

५ः
भन्दै छु मलाई ढलाउँन सजिलो छैन्
तिमी मेरो पछि आउँन सजिलो छैन्
चितुवा गतीमा दोडिन सक्छु महोदय,
त्यसैले आँखिर भेटाउँन सजिलो छैन्।।

६ः
सानु मायाको दियालो बलेर सकियो
तिम्रै यादमा मेरो मुटु जलेर सकियो
धाउँन सकिदैन अब तिम्रो पछीपछी,
आँखिर अब यो शरिर गलेर सकियो।।