बाजुरेली (खस) भाषाका मुक्तक

      खस(बाजुरेली भाषाका  मुक्तकहरु)
गोबिन्द्र राज तिमिल्सेना(कुशुम कान्छो)
१ः
भन्याको मान्दाईन जानीजानी खाइकन आउँदा
छकाल बासा रक्सी चेड्यानी खाइकन आउँदा
आफु भन्या केहि सिन्को भाँची काम गर्दाईन्,
उस्साई अरुकाई रिस मानी खाईकन आउँदा ।।
२ः
सेता टल्किने घर तम्बाई बनाउँला क्या हुन्या छ
छकाल बासा निकोनिको खाउँला क्या हुन्या छ
हाम्बा गोडाउडा चप्पलै नलाईबर हिड्नु छ हेर,
तमी त चिल्ला कार मनी जाउँला क्या हुन्या छ ।।
३ः
कइकन नेपाली कईकन भारुले बौल्याउन लाग्यो
अरु कोई नभई तमिकन पारुले बौल्याउन लाग्यो
तम्बा घरका बा कसो गर्दा छन् मुकी थाहा भईन्,
मेरा घरका बा कन त्यहि दारुले बौल्याउन लाग्यो ।।
४ः
हडउदा लायाका टाला अच्चमै राम्डा
हाल्याका हातका बाला अच्चमै राम्डा
गाँजल लायाका आँखा त त्यसाई हुन्,
अझ स्याउ जसा गाला अच्चमै राम्डा।।
५ः
तुकन चिटिक्क सुहाउन्या टाला किन्दीउला
हातउडा लाउन्या सुनका बाला किन्दीउला
तु एक्कै चिज कहिल्यै राम्डा मान्दिनै उथा,
कहिल्यै सुकिला कहिल्यै काला किन्दीउला।।
६ः
छकालबासा फेसबुक मात्तै चलाउँन्या क्या बैकीनि भन्नु
खानीबेला टुसुक्क देलाथिनी आउँन्या क्या बैकीनि भन्नु
उईका साथ पछान्डी म हुँदाहुदै काट्या बाट हिट्टा खेरी,
एकुर अक्काई पोईको हात समाउँन्या क्या बैकीनी भन्नु।।
रचनाकार तथा मुक्तककार/ गोबिन्द्र राज तिमिल्सेना(कुशुम कान्छो)= उहाँ बिगत ३ बर्ष देखि पत्रकारीता पेशामा आबद्ध हुनुहुन्छ