समाजभित्र अश्लिल बोल्छ छिट्टै भाइरल हुन्छ

….गजल….

समाजभित्र अश्लिल बोल्छ छिट्टै भाइरल हुन्छ,
त्यो कहिल्यै हुन्न जस्मा देशभक्तिको भल हुन्छ।

हाम्रो समाज कता जाँदै छ विक्रितीको घेरामा,
देशहितमा सडकमा न सदनमा छलफल हुन्छ।

जो अनुसासित र परिवर्तनसिल थिए मरेर गए,
अहिले त कुर्चिकै निमित्त आपसमा कल हुन्छ।

छिमेकिले दिए जस्तो गर्दा आउँछ हेडलाइनमा,
नेता र मिडियाहरू पनि खुसिले गल-गल हुन्छ।

आधा देश खोसियो पत्तै पाउँदैनन् देशका नेता,
कमिसनको आसमा अचानो देश पलपल हुन्छ।

त्यो दुर्घट्नामा पर्छ कि भने हराउँछ संसार बाटै,
जस्मा देश र जनताको लागि त्याग अटल हुन्छ।

✍️ सुरेशकुमार पाण्डे