मैन बत्तीको उज्यालोमा काेल्टी बजार

मालती घटाला /काेल्टी :  बाजुराकाे बुढीनन्दा नगरपालिका वडा नम्बर १ र २ मा रहेको बाजुरा जिल्लाको पूर्वी उत्तर क्षेत्रका चार वटा पालिका र छिमेकी जिल्ला हुम्ला ,मुगु र कालिकोटको मुख्य ब्यापारिक केन्द्र मानिने कोल्टी बजार हिजो आज मैन बत्तीको भरमा उज्यालो भैरहेको छ । यस क्षेत्रमा दुई वटा सामुदायिक र एउटा निजी गरि ३ वटा जल बिद्युट्ट  आयोजना रहेपनि बजार मैनबत्तिको उज्यालोकाे भरमा व्यवसायीहरू व्यवसाय गर्न बाध्य भएकाे व्यवसाय गर्दै आउनुभएको सराेज बुढथापाले बताउनुभयो ।

बुढीनन्दा नगरपालिका वडा नं १ मा रहेको माझकुलो लघु जल बिधुत आयोजनाको जेनेरेटरको क्वाईल जलेर अबरुद्ध छ भने बुढीनन्दा नगरपालिकाको स्वामित्वमा रहेको बड्डीगाढ लघु जल बिधुत परियोजना गत एक हप्ता देखि लाईन खराब भएर बिधुत संचालनमा अबरोध भएको छ । यस्तै निजि रुपमा सन्चालित बत्तीको पनि बेरिङ खराब भएर सेवा दिन सकिरहेको छैन । हप्ता दिनभन्दा बढी बितिसक्दा पनि नगरपालिकालाई खबर गर्दा कुनै चासाे नराखेको व्यवसायीहरू बताएका छन । बत्ती नहुदा यस बजार तथा आसपासका गाउँमा मैन बत्तीको उज्यालोमा बस्न बाध्य भएका छन ।

बत्ति नहुदा बिध्यार्थीको पढाईमा समस्या भएको छ भने उध्योगीहरुका उध्योग नै बन्द भएका छन । यस क्षेत्रको यो समस्या अहिलेको मात्र नभएर पटक पटकको हो तर यसको दिर्घ कालिन समाधानका लागि सरोकारवाला निकायले ध्यान दिन नसकेको स्थानिय बजार बासिले गुनासो गरेका छन । बिध्यार्थिको बार्षिक परीक्षा नजिक आउदै गर्दा बजार तथा गाउँमा बत्ती नभएकाले पढाईमा समस्या हुने गरेको बिध्यार्थिहरूको गुनासो रहेको छ । बड्डीगाढ लघु जलबिधुत परियोजनाको यो समस्या पटक पटकको हो । अहिलेको नगर सरकारले पूर्ण स्वामित्व लिएर सन्चालन गरिरहेता पनि यसको दिगो ब्यबस्थापनमा ध्यान दिन सकिरहेको छैन । आजको आवश्यकता भनेको नै शिक्षा ,स्वास्थ्य , खानेपानि र बिधुत जस्ता कुरामा सरोकारवाला निकायले बेलैमा ध्यान नपुर्‍याउदा जनताले पटक पटक सास्ति भोग्नु परिरहेको काेल्टी बजारमा बस्ने नरहरि जाेशिले बताउनुभयो ।