महामन्त्री शर्मालाई बाजुरा प्रचारका लागि मात्रै बोलाएका हैनौँः सभापति रावल

बाजुराः  नेपाली कांग्रेस बाजुराका सभापति रामसिंह रावलले बाजुरामा आउन लाग्नु भएका कांग्रेस महामन्त्री बिश्वप्रकाश शर्मा बाजुरा पव्रचारका लागि मात्रै आउन लागेका हुन भन्ने बुझाई नराख्न आग्रह गर्नुभएको छ। शुक्रवार कांग्रेस बाजुराले आयोजना गरेको पत्रकार सम्मेलनमा उहाँले यस्तो आग्रह गर्नुभएको हो ।
प्रचारका लागि नभई जिल्लाका सुमसामयिक समस्याहरु महामन्त्री शर्मालानई सुनाएर महामन्त्री मार्फत सरकारको ध्यानाकर्षण गराउने उदेश्यले महामन्त्री शर्मालाई बाजुरा बोलाएको उहाँले पत्रकार सम्मेलनमा जानकारी गराउनु भएको छ । संघीय सरकारले जनताका अपेक्षा र जनताका हित हुने खालका काम गर्न नसकेको भन्दै जनताहरुमा बितृष्णा छाँउदै गएकोले उहाँ मार्फत सरकारको ध्यानाकर्षण गराउने उहाँको भनाई छ। काँग्रेस बाजुराले मंसिर १९ गते आयोजना गर्न लागेको आम भेलालाई सम्बोधन गर्न जिल्ला आइपुग्ने नेपाली काँग्रेसका महामन्त्री विश्वप्रकाश शर्मालाई बाजुराको भौतिक पुर्वाधार विकास, बेरोजगार युवाहरु विदेश पलायन, भुकम्पका कारण प्रभावित जनजीवन, लगायतका समस्या सुनाउने तयारी रहेको उहाँले बताउनुभयो।
समस्या सुनाउने मात्रै नभई समाधाना लागि महामान्त्री मार्फत सरकारको ध्यानाकर्षण गराइदि न कांग्रेस बाजुराले शर्मालाई अपिल गर्ने पनि सभापति रावलले बताउनुभयो। बेरोजगजार युवाहरुका लागि देशमै रोजगारीको अवस्था सिर्जना गर्नका लागि काँग्रेसको नेतृत्वमा बन्द भएका कलकारखाना,उद्योग लगायतका संचालन गरी दक्ष जनशक्ति विदेशीनबाट रोक्न काँग्रेसले शसक्त भूमिका खेल्नुपर्ने सभापति रावलको भनाई थियो ।
यस्तै असोज १६ गते बझाङ्गको चैनपुरलाई केन्द्रविन्दु बनाएर गएको ६ दशमलव ३ म्याग्नेच्युडको भुकम्पबाट खप्तड छेडेदह सहितका बाजुरामा नागरिक पनि प्रभावित भएकाले सरकारले क्षती भएकाको पुनःस्थापना र राहतका कार्यलाई तत्काल गर्न महामन्त्री शर्मालाई ज्ञापन पत्र मार्फत ध्यानाकर्षण गराउने पनि उहाँले जानकारी गराउनुभयो। भुकम्पबाट प्रभावित भएका नागरिकलाई सरकारले तत्काल २५ हजार दिने भएपनि भुकम्पले क्षती भएका विद्यालय समेतलाई पुनस्थापना गर्नुपर्ने उहाँको भनाई छ। यतिमात्रै होइन बाजुराका सबै समस्याहरु बारे महामन्त्री मार्फत सरकारको ध्यानाकर्ष गराउने कांग्रेस बाजुराले जनाएको छ।