बाजुरामा सडकको दुरदशा सधै भरीया नै बन्नुपर्ने बाध्यता

जयबहादुर रावत/
बाजुरा : जिल्लाको साँफे मार्तडी राजमार्ग पक्कि बनेको बर्षौ बितिसक्दा समेत बर्खे सिजनमा सधै भरीया बन्नु पर्ने बाध्यता उस्तै रहेको छ । करिब ५७ किलोमिटर रहेको साँफे मार्तडी राजमार्गको अवस्था दिन प्रतिदिन दयनिय रहेको यात्रुहरुले बताएका छन् । उक्त राजमार्गमा हिउदको समयमा मात्रै गाडी चडेर सदरमुकाम पुगिन्छ बर्खा लाग्ने बित्तिकै पैदल यात्रा गर्न समेत सकस हुने गरेको यात्रु मनबहादुर बोहराले बताए । बुधबार खप्तड मालिका न्युजको टोली साँफे मार्तडी राजमार्गमा पर्ने बल्देमा पुगेर यात्रुहरुसंग कुरा गर्दा उक्त समस्या देखा परेको पाइएकाे हो । खप्तड मालिका न्युजका कार्यकारी निर्देशक जयबहादुर रावतले यात्रुहरु संग कुरा गर्दा यात्रुहरुले पैदल यात्रा गर्दा पनि आफनो ज्यानको सुरक्षा नभएर पनि यात्रा गर्नु परेको यात्रु मनबहादुर बोहराले बताएका छन् । खप्तड मालिका न्युजका कार्यकारी निर्देशक जयबहादुर रावतसँग कुरा गर्दै बोहराले भने सडकका लागी राज्यले जती बजेट सकाए पनि सबै सम्भाब्यताको अध्यान नगरी सडक बनाए अझै जिल्लामा पुग्ने यात्रुहरुले सधै ६ महिना मात्रै गाडीमा चडनुपर्ने बाध्यता नहट्ने बोहराको भनाई थियो । जिल्लाका सबै सरोकारवाला निकाएले समयमै सडकको बारे चिन्ता नलिए यात्रुहरुले पैदल यात्रा गर्न पनि सकस हुने बोहराको जिकिर छ । राजमार्ग ६ महिना मात्रै गाडी चड्नु पर्ने बाध्यता भएपछी जिल्लाका स्थानियहरु विभिन्न मारमा पर्दै आएका छन् । जिल्लाका ब्यापारीले भरीयाद्धारा भारी बोकाउनु पर्ने समस्या देखाउदै उपभोक्तालाई मारमा पर्दै आएका छन् ।