महामन्त्रीको पदमा गगन थापा र विश्वप्रकाश शर्मा विजयी

काठमाडौँ– नेपाली कांग्रेसको महामन्त्रीका लागि गगन थापा र विश्वप्रकाश शर्मा विजयी भएका छन् ।

नेपाली कांग्रेसको १४ औँ महाधिवेशनमा महामन्त्रीको लागि भएको निर्वाचनमा गगन थापा र विश्वप्रकाश शर्माले फराकिलो मतले अन्य प्रतिस्पर्धीलाई पछि पार्दै विजयी भएका हुन् ।

महामन्त्री पदका लागि गगन थापा, विश्वप्रकाश शर्मा, प्रदीप पौडेल, प्रकाशशरण महत, डा।मिनेन्द्र रिजाल र राजाराम कार्की प्रतिस्पर्धाको लागि मैदानमा उत्रिएका थिए ।

निर्वाचन समितिको अनुसार खसेको जम्मा ४ हजार ६ सय ८२ मतमा गगन थापा ३ हजार २३ र विश्वप्रकाश शर्माले १९ सय ८४ ल्याएर विजयी भएका हुन् । त्यस्तै प्रकाशशरण महत १५ सय ५६, प्रदीप पौडेल १३ सय ९३, डा।मिनेन्द्र रिजाल ८ सय ९ र राजाराम कार्कीले १ सय ६ मत प्राप्त गरेका थिए । साथै ४ सय ९३ मत बदर भएको समितिले जनाएको छ ।