माथिल्लो कर्णाली महोत्सव सुरु, प्रतिनिधि सभा सदस्य पाण्डे द्वारा उद्घाटन

मिन बहादुर खड्का बाजुरा- जिल्लाको हिमाली गाउँपालिकामा माथिल्लो कर्णाली महोत्सव आजबाट सुरु भएको छ । एक औपचारिक कार्यक्रमका बिच कांग्रेस सहमहामन्त्री समेत रहेका प्रतिनिधि सभा सदस्य बद्री प्रशाद पाण्डेले उद्घाटन गरेका छन् । पाण्डे आज बिहान सो महोत्सवको उद्घाटनका लागि त्यहाँ पुगेका हुन् । जैविक कृर्षि गुणस्तरीय पर्यटन तथा परम्परागत संस्कृतिको संरक्षण र विकास, कुण्डा क्षेत्रका नागरीकको समुन्नती तथा गुणस्तरीय जीवनका लागि हाम्रो प्रयास भन्ने मुल नाराका साथ कुण्डा क्षेत्रमा महोत्सवको आयोजना गरिएको हो ।

समग्रमा गाउँपालिकाको आर्थिक, सामाजिक तथा सास्कृतिक बिकास, कला र सस्कृतिको जगेर्ना, स्थानीय कलाकारको सम्मान, पालिका आसपासका धार्मिक एवम् पर्यटकिय स्थलको प्रचार प्रसार, समग्रमा पर्यटन पर्वद्धन गर्ने उदेश्यले महोत्सवको आयोजना गरिएको हिमाली गाउँपालिकाका अध्यक्ष गोबिन्द्र बहादुर मल्लले बताएका छन् ।

गाउँपालिकाको कार्यालयका अनुसार महोत्सव आगामी आजबाट संचालन भएको उक्त महोत्सव ७ गते सम्म चल्नेछ । महोत्सवमा राष्ट्रिय कलाकारका बेजोड प्रस्तुती रहनुका साथै स्थानीय कलाकारका पनि बेजोड प्रस्तुती रहनेछन् । महोत्सवमा स्थानीय उत्पतित बस्तुको पर्दशन संगै स्थानीय झाकीहरु समेत प्रस्तुत गरिने बताइएको छ ।

कुन्ना क्षेत्रमा पहिलो पटक महोत्सवको आयोजना हुन लागेको हो । हिमाली गाउँपालिका र स्वामीकार्तिक खापर गाउँपालिकाको सयुक्त आयोजनामा महोत्सव सञ्चालन आयोजना गरिएको छ । एक औपचारिक कार्यक्रमका हिमाली गाउँपालिकाका अध्यक्ष गोबिन्द्र बहादुर मल्ल्को अध्यक्षतामा सुरु भएको महोत्सवको प्रतिनिधि सभा सदस्य पाण्डेको प्रमुख आथित्यतामा महोत्सवको उद्घाटन गरिएको हो ।कार्यक्रममा माथिल्लो चार पालिकाका प्रमुख उपप्रमुख,अध्यक्ष उपाध्यक्ष, विभिन्न राजनीति दलका प्रमुख एवम् प्रतिनिधि, कलाकार, पत्रकार, गीत संगीत प्रेमी स्थानीय लगायतको उपस्थिति रहेको थियो ।