सिटिजन्स बैंकद्धारा सातवटै प्रदेशमा वित्तीय साक्षरता कार्यक्रम सम्पन्न

काठमाडौँ- सिटिजन्स बैंकले सात वटै प्रदेशमा ग्लोबल मनि विक अन्तर्गत वित्तीय साक्षरता कार्यक्रम सम्पन्न गरेको छ । यस अन्तर्गत बैंकले कोशी प्रदेशको विराटनगर, धरान, सलकपुर र बानिघाममा कार्यक्रम गरेको छ ।

यस्तै मधेस प्रदेशको डिएभि आरभि केडिया स्कूल, कृष्ण प्रणामी , बाग्मती प्रदेशको थली, कलङ्की, सिन्धुली, सूर्यविनायक, भैंसीपाटी, चाबहिल, मंगलपुर, भरतपुर, तादी, ज्यामिरे, सामाखुसी, महाबौध, धुम्बाराही र थसीखेलमा कार्यक्रम सम्पन्न गरेको छ ।

यसैगरी गण्डकी प्रदेशको अमरापुरी, चाँमे, सिमलचौरमा, लुम्बिनी प्रदेशको बढैयाताल, घोराहीेको शान्ति सुधा बोर्डिङ स्कूल, नेपालगन्ज, कोहलपुरको गोपीगन्जको आदर्श उच्च माध्यमिक विद्यालय, पिपराको बाणगंगा माध्यमिक विद्यालय, फर्साटिकरको श्री बङ्गाई माध्यमिक विद्यालयमा, कर्णाली प्रदेशको सुर्खेत, जुम्ला, जाजरकोट, नाम्खा, सिमीकोटमा तथा सुदूरपश्चिम प्रदेशको मोहन्याल, महेन्द्रनगर, धनगढी, बझाङ, अत्तरिया र ढँकारीमा वित्तीय साक्षरताका कार्यक्रम गरिएको बैंकले जनाएको छ ।

कार्यक्रममा उपस्थित विद्यार्थीवर्ग, गृहिणी महिला, वैदेशिक रोजगारमा आवद्ध नेपालीहरुमा वित्तीय साक्षरताको आवश्यकता र महत्वको बारेमा विस्तृत प्रकाश पारिएको थियो । यससँंगै वित्तीय साक्षरताको अवस्था र विद्युतीय बैंकिङकाे विकाससँगै बढेको अपराध र जोखिमको बारेमा समेत जानकारी गराइएको थियो। नगद कारोबार, लेनदेन तथा विप्रेषण जस्ता वित्तीय कारोबार गर्ने क्रममा बैंकिङ प्रणालीकै प्रयोग गर्न समेत सो क्रममा आग्रह गरिएको बैंकले जनाएको छ ।

यसबाट बैंकिङ प्रणाली मजबुत हुने विश्वास बैंकले लिएको छ। सिटिजन्स बैंक इन्टरनेसनलले देशैभरी फैलिएका आफ्ना १८२ वटा शाखा, १३४ वटा एटि/ एम र ९७ वटा शाखा सहित बैंकिङ् ईकाईहरुबाट १५ लाख ४० हजर भन्दा बढि ग्राहकलाई आधुनिक बैंकिङ सेवाहरु प्रदान गर्दै आएको छ ।