बाजुरामा प्रथम खप्तड मालिका कृषि व्यापार तथा पर्यटन महोत्सव हुँदै

मिन बहादुर खड्का बाजुरा – प्रथम खप्तड मालिका कृषि व्यापार तथा पर्यटन महोत्सव २०७९ हुने भएको छ । खप्तड मालिका युवा संजाल बाजुराको आयोजनामा उद्योग कृषि पर्यटन र व्यापार जडिबुटी संस्कृती बाजुराका आधार भन्ने मुल नाराका साथ यहीँ फागुन १९ गतेदेखि संचालन हुने प्रथम खप्तड मालिका कृषि व्यापार तथा पर्यटन महोत्सव २०७९ को जानकारी एक पत्रकार सम्मेलन मार्फत गराइएको छ । मार्तडी स्थित हिल टप होटेलमा आयोजकले पत्रकार सम्मेलन गरि महोत्सव हुने वारे जानकारी गराएको हो ।

जिल्लाको पर्यटन क्षेत्रको प्रचार प्रसार स्थानीय उत्पादित बस्तुको प्रदर्शनी गर्ने, स्थानीय कलाकारको पहिचान संगै प्रोत्साहन , स्थानीय कला संस्कृतिको जगेर्ना र कृषि,उद्योग व्यापार क्षेत्रमा प्रवर्द्धन गर्ने उदेश्यका साथ महोत्सवको आयोजना गरिएको आयोजक खप्तड मालिका युवा संजालको अध्यक्ष शुक्रराज बोहराले पत्रकार सम्मेलन बताएका छन् । पत्रकार सम्मेलनमा स्थानीय स्तरमा परम्परा देखि मनाउँदै आएका विभिन्न पर्वहरूको झलक समेत महोत्सवमा प्रस्तुत गरिने भएको छ । आयोजकले रु ४० लाख खर्च हुने र रु ४४ लाख बराबरको आ गर्ने उदेश्य राखेको छ ।

महोत्सवमा राष्ट्रिय स्तरका ख्याती प्राप्त कलाकार सहित स्थानीय कलाकारहरुको बेजोड प्रस्तुति रहने छ । महोत्सवमा मुख्य आकर्षक कलाकारका रुपमा एलिना चौलान, बिनोद बा जुरेली, प्रकाश थापा, दुर्गेश थापा, एल्वी चन्द, चक्र बम, गौरी भट्ट, टंक तिमिल्सेना। बावु राजा, राम्जि खाँड, हास्य कलाकार मनिश खड्का, पुष्कल शर्मा, जेआर भट्ट, शंकर बिसी, अञ्जली अधिकारी, बद्री पन्गीनी , लाल बहादुर धामी अछामी बड्डो, चेतन बोहरा, पविन्द्र सुनार, सुप्रिम मल्ल, लगायत स्थानिय कलाकारको बेजोड सांगितिक प्रस्तुति रहने छ । महोत्सव १९ गते देखि २७ गतेसम्म करिव एक साता सम्म चल्नेछ ।

एक दिनमा २ जना राष्ट्रिय कलाकारको प्रस्तुती रहनेछ भने अन्य स्थानिय कलाकारको प्रस्तुती रहनेछ । बिभिन्न प्रचारप्रसार समिति र उपसमिति पनि बनाइसकेको हुँदा महोत्सवको करिव ७० प्रतिशत तयारी पुरा भइसकेको आयोजक समितिले जनाएको छ । जिल्ला स्थित सरकारी तथा गैरसरकारी कार्यालय संग र जिल्लाका ९ वटै स्थानिय तह संग सहयोग संकलन कार्य जारी रहेको पनि बताइएको छ । सकेसम्म स्थानीय कलाकारहरुलाई बढी प्राथमिकता दिने आयोजकले बताएको छ । स्थानीय कलाकारहरुको पहिचान गर्ने पनि महोत्सवको उदेश्य रहेको बताइएको छ ।