सुदुरको बाजुरा जिल्ला सरकारको ध्यान किन जाँदैन ? प्रतिनिधि सभा सदस्य पान्डेकाे प्रश्न

मिन बहादुर खड्का बाजुरा – प्रतिनिधि सभा सदस्य एवम् कांग्रेस सहमहामन्त्रि समेत रहेका बद्रि प्रशाद पाण्डेले सुदुरको बाजुरा जिल्ला सरकारको ध्यान किन जाँदैन ?  भनेर प्रश्न गर्नुभएको छ । प्रतिनिधि सभाको बैठकमा बोल्दै पाण्डेले यस्तो प्रश्न गर्नुभएको हो । माघ १० गते भुकम्प गएको र जिल्लामा धेरै ठाँउमा क्षेती गरेको हुन सक्ने  भन्दै प्रतिनिधि सभा बैठकमै जानकारी गराएको भएपनि अधिले सम्म सरकारले कुनै चाँसो नदेखाएको प्रति आफ्नो आपत्ति रहेको बताउनुभयो ।
बाजुरामा भुकम्पका कारण बाजुरा जिल्लाका अधिकांश ठाँउमा भौतिक एवम् मानविय क्षेती भएको र बाजुराका भुकम्प पिडितहरुले राज्यबाट उद्धार राहात र पुनरस्थापनाको माग गरिरहेको भएपनि सरकारलाई सोही दिन जानकारी गराउदा पनि व्यवास्ता गर्नुको पछाडी के सुदुरमा अझै सरकारको ध्यान नगएको हो  ? भन्दै प्रश्न सोध्नुभएको हो । यतिमात्र होइन पाण्डेले जिल्लामा भुकम्पका कारण भएको भौतिक एवम् मानविय क्षति बारे जानकारी गराउनुका साथै तत्काल सरकारको बाजुराका भुकम्प पिडितहरु प्रति ध्यान केन्द्रित होस् भन्दै सरकारको ध्यानाकर्षण गराउनुभएको छ । पाण्डेले भुकम्पका कारण ज्यान गुमाएकी गौमुल गाँउपालिका २ की जमुना रोकाया मृत आत्मा प्रति  श्रद्धाञ्जली  व्यक्त गर्नुभएको छ ।
सरकारले उद्धार राहात र पुनरस्थापनका लागी तत्काल ध्यान दिन आवश्यक रहेको पाण्डेको भनाई छ । कार्तिकमा गएकाे भुकम्पका कारण सुदुरका अधिकांश  जिल्लामा क्षति गरेको भएपनि सरकारको सुदुर प्रतिको मौनता प्रति आपत्ति जनाउनुभयो । यो संगै पाण्डेले मनसुन सुरु हुनै लागेका कारण जुनसुकै बेलापनि बिपत्ति आउन सक्ने भन्दै सरोकारवाल निकायहरु तयारी अवस्थामा रहिरहनु पर्ने जानकारी गराउनु भयो । निर्वाचनका प्रचारका क्रममा आफुले देखे अनुसार जिल्लाका अधिकांस बस्तिहरु बस्ति स्थानान्तरण गर्नुपर्ने देखिएकाले सरकारको ध्यान जान आवश्यक रहेको बताउनुभयो ।
जिल्लाका अधिकांस बस्तिहरुमा बस्ति स्थानान्तरण नरीकन बस्न नसकिने अवस्था रहेको संसदमा आफ्नो धारण राख्दै पाण्डेले सरकारलाई जानकारी गराउनुभयो । एकिकृत बस्ति बिस्तारको अवधारणाई कार्यान्वयन गर्नुपर्ने र दुई दुई पटक भुकुम्पका कारण बाजुरा लगायत  सुदुरका अन्य जिल्लामा भएको क्षेतिग्रस्त परिवारलाई राहात उद्धार, र पुनरस्थापनाका लागी गर्न सरकार संग माग गर्नुभएको छ । तत्कालका भुकुम्प पिडितहरुका लागी बस्ने व्यवस्था लगायत राहात उद्धार र पुनरस्थापना सैगै एकिकृत बस्ति बिस्तारका लागी बिशेष योजनाका कार्यक्रमहरु घोषणा गर्नुपर्नेमा जोड दिनुभयो ।   जिल्ला जिल्लाको बिकासका सवालमा बोल्दै पाण्डेले जिल्लामा खानेपानी, सिँचाई, यातायात, बिद्युत, संञ्चार  लगायातका समस्याहरु अझै रहेको पनि जानकारी गराउनुभयो ।पाण्डे पहिलो पटक प्रत्येक्ष  तर्फबाट कांग्रेसबाट  निर्वाचित प्रतिनिधि सभा सदस्य हुन् ।